ജാതിസ്പർധ വളർത്തുന്നവരുമായി യാതൊരു ബന്ധവുമില്ലെന്ന് ബിനോയ് വിശ്വം.ശ്രീ നാരായണ ഗുരുവിന്റെ നാമം ഉപയോഗിച്ച് ജാതിസ്പർധ വളർത്തുന്നവരുമായി വാഹനത്തിനകത്തായാലും പുറത്തായാലും സഹകരിക്കാൻ സിപിഐക്ക് യാതൊരു താൽപ്പര്യവുമില്ലെന്ന് സി.പി.ഐ സംസ്ഥാന സെക്രട്ടറി ബിനോയ് വിശ്വം വ്യക്തമാക്കി.നവോത്ഥാന മൂല്യങ്ങളും ഗുരു ദർശനങ്ങളും ഉയർത്തിപ്പിടിച്ച് മുന്നോട്ട് പോകുന്ന പ്രസ്ഥാനമെന്ന നിലയിൽ, സങ്കുചിത താൽപ്പര്യങ്ങളോടെ ജാതിവ്യവസ്ഥയും സ്പർധയും പ്രചരിപ്പിക്കുന്നവർക്ക് ഒപ്പം ചേരാൻ പാർട്ടി ഒരിക്കലും തയ്യാറാകില്ലെന്നും അദ്ദേഹം തുറന്നടിച്ചു.