ചെക്ക് കേസിൽ പാലാ എം.എൽ.എ മാണി സി. കാപ്പനെതിരെ നിയമനടപിയുമായി മുന്നോട്ട് പോകുമെന്ന് പരാതിക്കാരനായ വ്യവസായി ദിനേഷ് മേനോൻ വ്യക്തമാക്കി. മാണി സി. കാപ്പനെ അയോഗ്യനാക്കണമെന്ന് ആവശ്യപ്പെട്ട് സ്പീക്കർക്ക് പരാതി നൽകുമെന്നും ആഭ്യന്തരമന്ത്രിയെ നേരിൽ കാണുമെന്നും അദ്ദേഹം അറിയിച്ചു.തനിക്ക് ജീവ ഭീഷണിയുണ്ടെന്നും തട്ടിക്കളയുമെന്ന് മാണി സി. കാപ്പൻ പറഞ്ഞതായും ദിനേഷ് മേനോൻ ആരോപിച്ചു. ക്രിമിനൽ കേസ് നടപടികൾ തുടരുമെന്നും, മാണി സി. കാപ്പൻ എം.എൽ.എ സ്ഥാനത്ത് തുടരാൻ യോഗ്യനല്ലെന്നും അദ്ദേഹം കൂട്ടിച്ചേർത്തു.