നടി ആക്രമിക്കപ്പെട്ട കേസ്; ജഡ്ജി ഹണി എം. വർഗീസിനെതിരായ കോടതിയലക്ഷ്യ ഹർജിയിൽ ഇന്ന് വിധി

നടി ആക്രമിക്കപ്പെട്ട കേസിലെ വിചാരണ കോടതി ജഡ്ജി, ഹണി എം. വർഗീസിനെതിരായ കോടതിയലക്ഷ്യ ഹർജിയിൽ ഇന്ന് വിധി.ഹൈക്കോടതിയാണ് കേസിൽ വിധി പറയുക.അതിജീവിതയുടെ അഭിഭാഷകയായ ടി ബി മിനി നൽകിയ ഹർജിയിൽ ജസ്റ്റിസ് പി വി കുഞ്ഞികൃഷ്ണൻ ആണ് വിധി പറയുക.കോടതിയിൽ ഉറങ്ങുകയായിരുന്നു, വിചാരണ നടപടികൾക്ക് പത്ത് ദിവസത്തിൽ താഴെ മാത്രമാണ് ഹാജരായത് തുടങ്ങി അഭിഭാഷക ടി ബി മിനിക്കെതിരെ ജഡ്ജി ഹണി എം വർഗീസ് നടത്തിയ പരാമർശങ്ങൾ അപകീർത്തികരമെന്നാണ് ഹർജിയിൽ പറയുന്നത്.പരാമർശങ്ങൾ മാധ്യമങ്ങളിലൂടെ പ്രചരിച്ചതോടെ തനിക്ക് നേരെ വ്യാപകമായ സൈബർ ആക്രമണവും, അധിക്ഷേപവും ഉണ്ടായെന്നും ടി ബി മിനി ചൂണ്ടിക്കാട്ടിയിരുന്നു.മാധ്യമങ്ങളുടെ സാന്നിധ്യത്തിലാണ് അപകീർത്തികരമായ പരാമർശം നടത്തിയതെന്ന് ഹർജിക്കാരിയുടെ അഭിഭാഷകർ കോടതിയിൽ വാദിച്ചു.എന്നാൽ മാധ്യമങ്ങൾ കോടതിയിൽ ഉണ്ടോയെന്ന് പരിശോധിക്കേണ്ടത് ജഡ്ജിയുടെ ജോലിയല്ലെന്ന് ആയിരുന്നു ജസ്റ്റിസ് പി വി കുഞ്ഞികൃഷ്ണൻ്റെ നിരീക്ഷണം.പരാമർശങ്ങൾ ജുഡീഷ്യൽ റെക്കോർഡിൽ വന്നിട്ടുണ്ടെങ്കിൽ അത് ഒഴിവാക്കാൻ ഇടപെടേണ്ടതുണ്ടെന്നും കോടതി വ്യക്തമാക്കിയിരുന്നു.മാധ്യമങ്ങളിൽ വന്ന പരാമർശങ്ങൾക്കെതിരെ പ്രസ് കൗൺസിലിനെ സമീപിക്കുന്നതടക്കമുളള നിയമനടപടികൾ സ്വീകരിക്കാമെന്നും കോടതി ചൂണ്ടിക്കാട്ടിയിരുന്നു.വാദം പൂർത്തിയായ സാഹചര്യത്തിലാണ് ഹർജിയിൽ കോടതി ഇന്ന് വിധി പറയുന്നത്.നടി ആക്രമിക്കപ്പെട്ട കേസിൽ വിചാരണ നടത്താൻ ഒരു വനിതാ ജഡ്ജി വേണമെന്ന് അതിജീവിത ആവശ്യപ്പെട്ടിരുന്നു.ഇതിന് പിന്നാലെയാണ് 2019ൽ ഹണി എം വർഗീസിനെ പ്രത്യേക കോടതി ജഡ്ജിയായി ഹൈക്കോടതി നിയമിച്ചത്. അന്ന് ഹണി എം വർഗീസ് സി ബി ഐ സ്പെഷ്യൽ കോടതി ജഡ്ജിയായിരുന്നു.
പിന്നീട് എറണാകുളം ജില്ലാ പ്രിൻസിപ്പൽ സെഷൻസ് ജഡ്ജിയായും സേവനമനുഷ്ടിച്ചു.നടിയെ ആക്രമിച്ച കേസിലെ സുപ്രധാന വിധി പ്രസ്താവം ഹണി എം വർഗീസിന്റേതായിരുന്നു.

Leave a Reply

spot_img

Related articles

പെട്രോളിലെ എഥനോൾ അളവ് പരിശോധിക്കാൻ കേരളത്തിൽ പ്രത്യേക പരിശോധനാ കിറ്റുകൾ; മൂന്ന് സർക്കാർ ലാബുകളിൽ പരിശോധന ഈയാഴ്ച തുടങ്ങും

സംസ്ഥാനത്ത് വിതരണം ചെയ്യുന്ന പെട്രോളിൽ അനുവദനീയമായതിലും കൂടുതൽ എഥനോൾ കലർത്തുന്നുണ്ടോയെന്ന് കണ്ടെത്താൻ പ്രത്യേക പരിശോധനാ കിറ്റുകൾ കേരളത്തിലെത്തി. ഇന്ത്യൻ ഓയിൽ കോർപ്പറേഷനിൽ നിന്നാണ് സംസ്ഥാന...

പാലക്കാട് ജില്ലാ പഞ്ചായത്ത് പ്രസിഡന്റ് സ്ഥാനത്ത് നിന്ന് എസ്.ബി രാജു രാജിവെച്ചു

പാലക്കാട് ജില്ലാ പഞ്ചായത്ത് പ്രസിഡന്റ് സ്ഥാനത്ത് നിന്ന് എസ്.ബി രാജു രാജിവെച്ചു. സിപിഎം നിർദേശത്തേ തുടർന്നാണ് രാജിയെന്നാണ് സൂചന. പകരം വി. പൊന്നുക്കുട്ടൻ പ്രസിഡൻ്റാകും....

മാന്നാനം ബൈബിൾ കൺവെൻഷൻ നാളെ തുടങ്ങും; ഒരുക്കങ്ങൾ പൂർത്തിയായി

മാന്നാനം സെന്റ് ജോസഫ് ആശ്രമം പള്ളിയിൽ കടലുണ്ടി എൽ റൂഹ ധ്യാനകേന്ദ്രം ഡയറക്ടർ ഫാ. റാഫേൽ കോക്കാടൻ സി.എം.ഐ. നയിക്കുന്ന ബൈബിൾ കൺവെൻഷൻ നാളെ...

സിപിഎം വ്യക്തി കേന്ദ്രീകൃതം; കോടിയേരി ബാലകൃഷ്ണന്റെ ഭാര്യാസഹോദരൻ പാർട്ടി വിട്ടു

സിപിഎം നേതൃത്വത്തിനെതിരെ രൂക്ഷവിമർശനവുമായി മുൻ സംസ്ഥാന സെക്രട്ടറി കോടിയേരി ബാലകൃഷ്ണന്റെ ഭാര്യാസഹോദരൻ എസ്.ആർ. വിനയകുമാർ പാർട്ടി വിട്ടു. പാർട്ടിയിൽ കമ്മ്യൂണിസ്റ്റ് ആശയങ്ങൾ ഇല്ലാതായെന്നും പിണറായിസം...