ചലച്ചിത്ര സംവിധായകൻ രാം ഗോപാൽ വർമ്മ വ്യാഴാഴ്ച എക്‌സിൽ പ്രഖ്യാപനം നടത്തി.
2024ലെ ലോക്‌സഭാ തിരഞ്ഞെടുപ്പിൽ ആന്ധ്രാപ്രദേശിൽ താൻ മത്സരിക്കുമെന്ന് അദ്ദേഹം പറഞ്ഞു.
പിത്തപുരം മണ്ഡലത്തിൽ നിന്നാണ് മത്സരിക്കുക എന്ന് രാം ഗോപാൽ പറഞ്ഞു.
“പെട്ടെന്നുള്ള തീരുമാനം. ഞാൻ പിതാപുരത്ത് മത്സരിക്കുന്നു എന്ന് അറിയിക്കുന്നതിൽ സന്തോഷമുണ്ട്” എന്ന് രാം ഗോപാൽ വർമ്മ ട്വീറ്റ് ചെയ്തു.
കൂടുതൽ വിവരങ്ങൾ സംവിധായകൻ പങ്കുവെച്ചിട്ടില്ല.
ടോളിവുഡ് നടനും ജെഎസ്പി നേതാവുമായ പവൻ കല്യാണിനെ പിത്തപുരത്ത് മത്സരിപ്പിക്കുമെന്ന് തെലുങ്കുദേശം പാർട്ടി-ഭാരതീയ ജനതാ പാർട്ടി-ജനസേന പാർട്ടി (ജെഎസ്പി) സഖ്യം പ്രഖ്യാപിച്ചതിന് തൊട്ടുപിന്നാലെയാണ് രാം ഗോപാൽ വർമ്മയുടെ പ്രഖ്യാപനം.
കഴിഞ്ഞ വർഷം ആന്ധ്രാപ്രദേശിലെ രാഷ്ട്രീയത്തെ അടിസ്ഥാനമാക്കിയുള്ള രാം ഗോപാൽ വർമ്മയുടെ വ്യൂഹം എന്ന സിനിമയെ ചൊല്ലി തർക്കം ഉണ്ടായിരുന്നു.
സിനിമാ നിർമ്മാതാവിനെ സംസ്ഥാനത്ത് നിന്ന് പുറത്താക്കണമെന്ന് നിരവധി പ്രാദേശിക നേതാക്കൾ ആവശ്യപ്പെട്ടു.
ആന്ധ്രാപ്രദേശ് മുൻ മുഖ്യമന്ത്രി വൈഎസ് രാജശേഖര റെഡ്ഡിയുടെ മരണവുമായി ബന്ധപ്പെട്ട സാഹചര്യങ്ങളാണ് ചിത്രം പറയുന്നത്.