വധശിക്ഷയ്ക്ക് വിധിക്കപ്പെട്ട് യമനിലെ ജയിലിൽ കഴിയുകയാണ് നിമിഷ പ്രിയ. എന്നാൽ, നിമിഷപ്രിയയുടെ കേസിനെ കുറിച്ച് താൻ പഠിക്കുന്നുവെന്ന് ബോബി ചെമ്മണ്ണൂർ പറഞ്ഞു.
അബ്ദുല് റഹീമിന്റെ മോചനത്തിനായി 34 കോടി രൂപ സമാഹരിക്കുന്നതിന് മുന്നിലിറങ്ങിയ ആളാണ് വ്യവസായിയും സാമൂഹ്യപ്രവര്ത്തകനുമായ ബോബി ചെമ്മണ്ണൂര്.
അതിനാൽ തന്നെ നിമിഷപ്രിയ നിരപരാധിയെങ്കിൽ ദയാധനം സമാഹരിക്കാൻ താൻ രംഗത്തിറങ്ങും എന്നും അദ്ദേഹം പറഞ്ഞു.
അതേസമയം, യമനിൽ ജയിലിൽ കഴിയുന്ന നിമിഷപ്രിയയുടെ മോചനത്തിനായുള്ള ചർച്ചകൾക്കായി അമ്മ പ്രേമകുമാരി യമനിൽ എത്തിയിരുന്നു. ജയിലിലുള്ള നിമിഷ പ്രിയയെയും അമ്മ കാണുമെന്നും അഭിഭാഷകൻ കെ.ആർ സുഭാഷ് ചന്ദ്രൻ അറിയിച്ചിരുന്നു.
നിരപരാധിയാണെന്ന് ബോധ്യപ്പെട്ടാൽ ദയാധനം മുഴുവനായി നൽകാനോ ധനസമാഹരണം നടത്താനോ തയ്യാറാണെന്നും അറിയിച്ചു.
സൗദി ജയിലിൽ കഴിയുന്ന കോഴിക്കോട് സ്വദേശി റഹീമിന്റെ ജീവിത കഥ സിനിമയാക്കുന്നതിൽ നിന്ന് പിൻമാറുകയാണെന്നും ബോബി ചെമ്മണ്ണൂർ പറഞ്ഞു.
സിനിമയിൽ നിന്നുള്ള വരുമാനം ചാരിറ്റിക്ക് ഉപയോഗിക്കാനാണ് താൻ ലക്ഷ്യമിട്ടത്. എന്നാൽ ചിലർ അത് വിവാദമാക്കിയെന്നും.
എന്നാൽ, ആടു ജീവിതത്തിന്റെ തുടര്ച്ചയായി അതേ ശൈലിയില് ഒരു ചിത്രമെടുക്കാൻ ഇപ്പോള് ആലോചിക്കുന്നില്ലെന്ന് ബോബി ചെമ്മണ്ണൂരിനെ അറിയിച്ചുവെന്നും ബ്ലസി പറഞ്ഞിരുന്നു.