ആലപ്പുഴ: സംസ്ഥാന ന്യൂനപക്ഷ ക്ഷേമ വകുപ്പിൻ്റെ ആഭിമുഖ്യത്തിൽ ന്യൂനപക്ഷ യുവജനങ്ങൾക്കായി ജൂലൈയിൽ ആരംഭിക്കുന്ന സൗജന്യ പി.എസ്.സി. പരീക്ഷ പരിശീലനത്തിനായി അപേക്ഷിക്കാം.
ആലപ്പുഴ ജനറൽ ആശുപത്രി ജംഗ്ഷനു സമീപമുള്ള നിസാ സെന്റർ ബിൽഡിങ്ങിൽ പ്രവർത്തിക്കുന്ന ന്യൂനപക്ഷ പരിശീലന കേന്ദ്രത്തിലാണ് പരിശീലനം.
പരീക്ഷയുടെ അടിസ്ഥാനത്തിലാണ് പ്രവേശനം.
തിങ്കൾ മുതൽ വെള്ളി വരെ റെഗുലർ ബാച്ച്, ശനി, ഞായർ ദിവസങ്ങളിൽ ഹോളിഡേ ബാച്ച് ഇങ്ങനെ രണ്ട് ബാച്ചുന്നാകും.
ആറു മാസമാണ് പരിശീലന കാലാവധി.
അപേക്ഷ സമർപ്പിക്കേണ്ട അവസാന തീയതി ജൂൺ 20.
ഉദ്യോഗാർഥികൾ ന്യൂന പക്ഷ വിഭാഗത്തിൽപ്പെട്ട 18.വയസ്സ് തികഞ്ഞവരും എസ്.എസ്.എൽ.സി.യോ ഉയർന്ന യോഗ്യതയോയുള്ളവരും ആയിരിക്കണം.
വ്യക്തിഗത വിവരങ്ങൾ, രണ്ടു പാസപ്പോർട്ട് സൈസ് ഫോട്ടോ, യോഗ്യത തെളിയിക്കുന്ന സിർട്ടിഫിക്കറ്റ് എന്നിവയുടെ പകർപ്പ് സഹിതം നേരിട്ട് അപേക്ഷ നൽകണം.
അപേക്ഷ ഫോറം നിസാ സെൻറർ ബിൽഡിങ്ങിൽ പ്രവർത്തിക്കുന്ന ന്യൂനപക്ഷ യുവജനങ്ങൾക്കായുള്ള പരിശീലന കേന്ദ്രത്തിൽ ലഭിക്കും.
ഫോൺ:8157869282, 9495093930, 0477-2252869.