കേരളത്തിൽ മഴ തോരാതെ തകർത്ത് പെയ്യുകയാണ്. ഈ സാഹചര്യത്തിൽ ഒട്ടനവധി ബുദ്ധിമുട്ടുകളാണ് ജനങ്ങൾ നേരിടുന്നത്.
എന്തായാലും, മഴ വീണ്ടും ശക്തമാകുന്ന സാഹചര്യത്തിൽ കൂടുതൽ ജില്ലകളിൽ യെല്ലോ അലർട്ട് പ്രഖ്യാപിച്ചു.
തിരുവനന്തപുരം മുതൽ എറണാകുളം വരെ ജില്ലകളിലാണ് മഴ മുന്നറിയിപ്പ് ഇപ്പോൾ നിലവിൽ ഉള്ളത്.
കാക്കനാട് ഇൻഫോ പാർക്കിൽ വെള്ളക്കെട്ട് രൂപപ്പെട്ടു. വാഹനങ്ങൾ കുടുങ്ങി. ആലുവ ഇടക്കാളി റോഡിൽ വെള്ളക്കെട്ട് രൂക്ഷമാണ്.
സഹോദരൻ അയ്യപ്പൻ റോഡിൽ വെള്ളം കയറി. വെള്ളക്കെട്ടുകൾ രൂപപ്പെട്ടതോടെ നഗരത്തിൽ പലയിടത്തും രൂക്ഷമായ ഗതാഗത കുരുക്കാണ് രാവിലെ തന്നെയുണ്ടാകുന്നത്.
എന്തായാലും, ശക്തമായ മഴയിൽ വലയുകയാണ് ആളുകൾ. ഈ സാഹചര്യത്തിൽ അതീവ ജാഗ്രത വേണം എന്നാണ് അറിയിക്കുന്നത്.