സിഎംആർഎൽ- എക്സാലോജിക് സാമ്പത്തിക ഇടപാട് കേസിൽ എഫ്ആആർ രജിസ്റ്റർ ചെയ്യണമെന്ന സിംഗിൾ ബെഞ്ച് ഉത്തരവിനെതിരെ പിണറായി വിജയൻ, മുഹമ്മദ് റിയാസ്, വീണ ടി എന്നിവർ നൽകിയ അപ്പീൽ ഹൈക്കോടതി ഇന്ന് പരിഗണിക്കും.ജസ്റ്റിസ് കെ.നടരാജൻ അധ്യക്ഷനായ ബെഞ്ചാണ് കേസ് പരിഗണിക്കുന്നത്.കോടതിയുടെ നിലപാട് അറിഞ്ഞ ശേഷം തുടർനീക്കങ്ങൾ നടത്താനാണ് ഇഡിയുടെ നീക്കം.വിജിലൻസ് അന്വേഷണത്തിന് തൽക്കാലത്തേക്ക് സുപ്രീം കോടതി സ്റ്റേ നൽകിയ വിവരം പിണറായി ഹൈക്കോടതിയെ അറിയിക്കും.തങ്ങളുടെ വാദം കേൾക്കാതെ എഫ്ഐആ‍ർ രജിസ്റ്റർ ചെയ്തു എന്നതടക്കം അതിരൂക്ഷ വിമർശനമാണ് കേസ് നേരത്തെ പരിഗണിച്ച ഘട്ടത്തിൽ ഹൈക്കോടതി സർക്കാരിനെതിരെ നടത്തിയത്.കഴിഞ്ഞ വെള്ളിയാഴ്ച ചോദ്യം ചെയ്യലിനായി ഹാജരാകണമെന്ന് ഇഡി പിണറായിക്ക് നോട്ടീസ് നൽകിയിരുന്നു.എന്നാൽ നിയമസഭാ സമ്മേളനവും സുപ്രീംകോടതിയിലെ കേസും ചൂണ്ടിക്കാട്ടി ഹാജരാകാൻ കഴിയില്ലെന്ന് അദ്ദേഹം അറിയിച്ചിടുന്നു.പിണറായി ഉൾപ്പടെയുള്ളവർ മുതിർന്ന അഭിഭാഷകരെ എത്തിച്ച് ഹൈക്കോടതയിൽ ശക്തമായ വാദങ്ങളുയർത്തും.അപ്പീൽ നൽകാനുള്ള അവകാശം വ്യക്തമാക്കിയ സുപ്രീംകോടതി ഉത്തരവിലെ പരാമർശങ്ങൽ അനുകൂലമെന്നാണ് പിണറായിയുടെ വിലയിരുത്തൽ.ഹൈക്കോടതി അപ്പീൽ പരിഗണിക്കുമ്പോൾ കേസിലെ ഇഡി അന്വേഷണം ഉൾപ്പടെ എല്ലാ തുടർനടപടികളും നിർത്തിവയ്ക്കണമെന്ന് ആവശ്യപ്പെടും.അതേസമയം, മാസപ്പടിക്കേസിലെ വിജിലൻസ് അന്വേഷണം സുപ്രീം കോടതി താൽക്കാലികമായി സ്റ്റേ ചെയ്തത് തങ്ങളുടെ അന്വേഷണത്തിന് തടസ്സമില്ലെന്നാണ് ഇഡി നിലപാട്.പിണറായിക്കെതിരെ PMLA 66(2) പ്രകാരമുള്ള ഇഡിയുടെ വിവരകൈമാറ്റം സുപ്രീംകോടതി അസാധുവാക്കിയിട്ടില്ല.തെളിവുകൾ നിലനിൽക്കും.ഇസിഐആറിന്റെ നിയമ സാധുതയും ചോദ്യം ചെയ്യപ്പെട്ടിട്ടില്ല. അതുകൊണ്ടുതന്നെ അന്വേഷണവുമായി മുന്നൊട്ടുപോകാമെന്നാണ് ഇഡിക്ക് നിയമോപദേശം ലഭിച്ചിരിക്കുന്നത്.