ഇന്ത്യക്കാരുടെ അഹങ്കാരം എന്നു തന്നെ പറയാം ആർ. പ്രഗ്നാനന്ദ അല്ലേ?.
ചെസ് കളിയിലൂടെ മറിമായം തീർക്കുന്ന അതുല്യപ്രതിഭ.
ഇത്തവണ മാഗ്നസ് കാൾസനെ ഞെട്ടിച്ചിരിക്കുകയാണ് പ്രഗ്നാനന്ദ.
ക്ലാസിക്കൽ ചെസിൽ ഇതാദ്യമായാണ് ഇത്തരമൊരു സംഭവം നടക്കുന്നത്.
നോർവേ ചെസ്സിലെ മൂന്നാം റൗണ്ടിലാണ് അട്ടിമറി ജയം.
കരിയറിൽ ആദ്യമായാണ് ക്ലാസ്സിക്കൽ ഫോർമാറ്റിൽ കാൾസനെ, പ്രഗ്നാനന്ദ തോല്പിക്കുന്നത്.
മുൻപ് റാപ്പിഡ് ഫോർമാറ്റുകളിൽ കാൾസനെ തോൽപ്പിച്ചിട്ടുണ്ടെങ്കിലും ക്ലാസിക്കൽ ചെസ്സിലെ ജയം അമ്പരപ്പിക്കുന്ന നേട്ടം എന്നാണ് വിലയിരുത്തൽ.
മൂന്നാം റൗണ്ടില്‍ വെള്ള കരുക്കളുമായാണ് പ്രഗ്നാനന്ദ കളിച്ചത്.
ഇതോടെ 5.5 പോയിന്‍റുമായി പ്രഗ്നാനന്ദ ടൂർണമെന്‍റിൽ മുന്നിൽ എത്തി.
ഒന്നാം സ്ഥാനത്തായി മത്സരം തുടങ്ങിയ കാൾസൻ അഞ്ചാം സ്ഥാനത്തേക്ക് പിന്തള്ളപ്പെട്ടു.
എന്തായാലും, എല്ലാ ഇന്ത്യക്കാർക്കും അഭിമാനിക്കാവുന്ന നിമിഷങ്ങളിൽ ഒന്നാണ് ഇത്.