സ്കൂള്‍ വിദ്യാഭ്യാസം പൂർത്തിയാക്കിയ കോളേജില്‍ അഡ്മിഷൻ എടുക്കുന്ന ചിത്രം സോഷ്യല്‍ മീഡിയയിൽ രസകരമായി പങ്കുവച്ച് നടി മീനാക്ഷി.
ബലതാരമായി വെള്ളിത്തിരയിലെത്തി നടിയായും അവതാരകയായും മലയാളികളുടെ ഇഷ്ടം നേടിയ മീനാക്ഷി കോട്ടയം മണർകാട് കോളേജിൽ ഡിഗ്രിക്ക് ചേരാൻ അപേക്ഷ നൽകുന്ന ചിത്രമാണ് മണർകാട് സെൻ്റ് മേരീസ് കോളേജ് ഞാനിങ്ങെടുക്കുവാ എന്ന ക്യാപ്ഷനോടെ സോഷ്യൽ മീഡിയയിൽ പോസ്റ്റ് ചെയ്തത്.
നിരവധി ആശംസകളും രസകരമായ കമന്റുകളുമാണ് പോസ്റ്റില്‍ നിറയുന്നത്. ഷൂട്ടിങ്ങ് തിരക്കുകള്‍ക്കിടയിലും പ്ലസ് ടു പരീക്ഷയില്‍ നല്ല മാർക്കോടെയാണ് മീനാക്ഷി വിജയിച്ചത്.
അനുനയ അനൂപ് എന്നാണ് മീനാക്ഷിയുടെ യഥാർത്ഥ പേര്. ‘വണ്‍ ബൈ ടു’ എന്ന ചിത്രത്തിലൂടെയാണ് മീനാക്ഷി ചലച്ചിത്ര ലോകത്തെത്തുന്നത്. പൃഥ്വിരാജ്, ഇന്ദ്രജിത്ത്, ജയസൂര്യ എന്നവർ അഭിനയിച്ച ‘അമർ അക്ബർ അന്തോണി’ എന്ന ചിത്രത്തിലൂടെയാണ് മീനാക്ഷി ശ്രദ്ധനേടുന്നത്. വലിയ സ്വീകാര്യതയാണ് ഈ ചിത്രത്തിലെ ഫാത്തിമ എന്ന കഥാപാത്രിലൂടെ മീനാക്ഷിക്ക് ലഭിച്ചത്.
ഒപ്പം, ഒരു മുത്തശ്ശി ഗദ, അലമാര, ക്വീൻ, മോഹൻലാല്‍ തുടങ്ങി നിരവധി ചിത്രങ്ങളിലും മീനാക്ഷി അഭിനയിച്ചിട്ടുണ്ട്.