ബെംഗളൂരു ബൊമ്മനഹള്ളി സ്വദേശി ജയലക്ഷ്മിയെ കൊല്ലപ്പെട്ട കേസിലാണ് മകള് പവിത്ര(29), കാമുകനായ ലൗവ്ലിഷ്(20) എന്നിവരെ പോലീസ് അറസ്റ്റ് ചെയ്തത്.
ഇവരുടെ പ്രണയത്തെ അമ്മ എതിർത്തതാണ് കൊലയ്ക്ക് കാരണമെന്ന് പോലീസ് പറയുന്നു.
കഴിഞ്ഞ ബുധനാഴ്ചയാണ് ജയലക്ഷ്മിയെ വീട്ടില് മരിച്ചനിലയില് കണ്ടത്. അമ്മ കുളിമുറിയില് വീണെന്നും തുടര്ന്ന് ബോധരഹിതയായെന്നുമാണ് മകള് പറഞ്ഞിരുന്നത്. കുളിമുറിയില് വീണ അമ്മയെ പിന്നീട് കട്ടിലില് കൊണ്ടുവന്ന് കിടത്തിയെന്നും എന്നാല്, ഉടന് മരണം സംഭവിച്ചെന്നുമായിരുന്നു ഇവരുടെ മൊഴി. എന്നാല്, വെള്ളിയാഴ്ച പുറത്തു വന്ന പോസ്റ്റ്മോര്ട്ടം റിപ്പോര്ട്ട് പ്രകാരം ജയലക്ഷ്മിയുടെ മരണം ശ്വാസംമുട്ടിയാണ്. ഇതോടെ പോലീസിന് സംശയം ബലപ്പെട്ടു. തുടര്ന്ന് മകളായ പവിത്രയെ കസ്റ്റഡിയിലെടുത്ത് വിശദമായി ചോദ്യംചെയ്തതോടെ കൊലപാതകത്തിന്റെ ചുരുളഴിയുകയായിരുന്നു.