ഗവര്ണര് പദവിയില് കാലാവധി പൂര്ത്തിയാക്കിയ ആരിഫ് മുഹമ്മദ് ഖാന് മറ്റൊരു പദവി നല്കിയേക്കുമെന്ന് റിപ്പോർട്ട്.
ആരിഫ് മുഹമ്മദ് ഖാന് പകരമായി അഡ്മിറല് ദേവേന്ദ്ര കുമാര് ജോഷി കേരള ഗവര്ണറായേക്കുമെന്നും റിപോർട്ടുണ്ട്.
നാവികസേന മുന് മേധാവിയാണ് ദേവേന്ദ്ര കുമാര്.
നിലവില് ആന്ഡമാന് നിക്കോബാര് ലെഫ്റ്റനന്റ് ഗവര്ണറാണ്.
ഇന്ത്യന് നാവിക സേനയുടെ 21-മത് മേധാവിയായിരുന്നു അഡ്മിറല് ദേവേന്ദ്രകുമാര് ജോഷി.
2012 ഓഗസ്റ്റ് 31 മുതല് 2014 ഫെബ്രുവരി 26 വരെ നാവികസേനാ മേധാവിയായി സേവനം അനുഷ്ഠിച്ചു.
ഐഎന്എസ് സിന്ധുരത്നയിലേത് അടക്കം തുടര്ച്ചയായുണ്ടായ അപകടങ്ങളുടെ ഉത്തരവാദിത്തം ഏറ്റെടുത്ത് അഡ്മിറല് ദേവേന്ദ്ര കുമാര് ജോഷി നാവിക സേനാ മേധാവി സ്ഥാനം രാജിവെക്കുകയായിരുന്നു.
അതേസമയം ആരിഫ് മുഹമ്മദ് ഖാന് പുറമെ, ഗവര്ണര്മാരായ മനോജ് സിന്ഹ, പി എസ് ശ്രീധരന്പിള്ള, തവര് ചന്ദ് ഗെഹലോട്ട്, ബന്ദാരു ദത്താത്രേയ, ആനന്ദി ബെന് പട്ടേല് എന്നിവര്ക്കും മാറ്റമുണ്ടാകുമെന്നാണ് റിപ്പോര്ട്ട്.