ബീച്ച് ടൂറിസത്തില്‍ ലോകത്തില്‍ തന്നെ മികച്ച കേന്ദ്രങ്ങളിലൊന്നായ ഗോവയിലെ. ബീച്ച് (Goan beaches) അനുഭവങ്ങളാല്‍ സഞ്ചാരികളെ ആവേശഭരിതരാക്കും.
പോര്‍ച്ചുഗീസ് കോളനിയായിരുന്നു ഈ പ്രദേശത്ത് ഇപ്പോഴും പോര്‍ച്ചുഗീസ് വാസ്തുശൈലിയുള്ള നിര്‍മ്മിതികള്‍ ഒട്ടേറെയുണ്ട്.
ചരിത്രയിടങ്ങളും പുരാതന പള്ളികളും കോട്ടകളും ഒക്കെ സ്ഥിതി ചെയ്യുന്ന ഗോവയില്‍ വെള്ളച്ചാട്ടങ്ങളും, വന്യജീവി സങ്കേതങ്ങളും, പക്ഷി ങ്കേതങ്ങളുമൊക്കെയുണ്ട്. ചോറാവോ ദ്വീപ്, ഗ്രാന്‍ഡെ ദ്വീപുകള്‍, ക്വെറിം, കൊക്കോ, വാഗറ്റര്‍, അഞ്ജുന, ബാഗ, കലാന്‍ഗുട്ട്, കാന്‍ഡലിം തുടങ്ങിയ ബീച്ചുകള്‍ ഗോവയിലെ ഏറ്റവും പ്രശസ്തമായ വിനോദസഞ്ചാര കേന്ദ്രങ്ങളാണ്.
ഗോവയിലെ ചില സീക്രട്ട് ബീച്ചുകള്‍ നമുക്കു പരിചയപ്പെടാം.
ഗോവയിലെ ചില സീക്രട്ട് ബീച്ചുകള്‍ (Secret Goan Beaches)
കലാച്ചാ ബീച്ച്
നോര്‍ത്ത് ഗോവയിലെ ഒരു സുന്ദരമായ രഹസ്യതീരമാണ് കലാച്ചാ ബീച്ച്.
ശാന്തവും സമാധാനവുമായ ഒരു അന്തരീക്ഷത്തിലേക്ക് പറിച്ച് നടത്താന്‍ വെമ്പുന്ന മനസ്സുകള്‍ക്ക് പറ്റിയൊരുയിടമാണിത്.
ഗംഭീരമായ ഈ തീരത്തെ ബൊഹമീയന്‍ വൈബുകളും മ്യൂസിക് സെക്ഷനുകളും ഓപ്പണ്‍ എയര്‍ ഫയറുളും ഒക്കെയായി ആവേശകരമാണ്. സവിശേഷമായ ഗോവന്‍ ഭക്ഷണങ്ങള്‍ വിളമ്പുന്ന ചില റെസ്റ്റോറെന്റുകളും ഇവിടെ കാത്തിരിക്കുന്നു.
ബെറ്റല്‍ബാട്ടിം ബീച്ച്
പ്രണയിയികളുടെ പറുദീസ എന്ന് ബെറ്റല്‍ബാട്ടിം ബീച്ചിനെ വിശേഷിപ്പിക്കാം.
പ്രകൃതിയുടെ മാന്ത്രികത നുകരാന്‍ മികച്ചൊരുയിടമാണ് ഈ തീരം.
ഇവിടുത്തെ സൂര്യാസ്തമയങ്ങള്‍ വളരെ സുന്ദരമാണ്. പുലര്‍കാലങ്ങളും സന്ധ്യാസമയങ്ങളും മനോഹരമായ അനുഭൂതികള്‍ പകര്‍ന്ന് പ്രണയികള്‍ക്ക് ഗംഭീരമായ ഒരു റൊമാന്റിക്ക് വൈബുകള്‍ സമ്മാനിക്കുന്നു.
അതിനാല്‍ തന്നെ ഹണിമൂണ്‍ ഡെസ്റ്റിനേഷനുകള്‍ തിരയുന്ന ദമ്പതികള്‍ക്ക് ഇവിടെ തിരഞ്ഞെടുക്കാം.
ഹോളന്റ് ബീച്ച്
സുന്ദരമായ പ്രഭാതങ്ങളെ കൊതിക്കുന്നവര്‍ക്ക് ഹോളന്റ് ബീച്ചിന് അരികിലുള്ള ഇടങ്ങളില്‍ താമസിക്കാം.
സൂര്യന്റെ വെള്ളിവെളിച്ചം ആസ്വദിക്കാന്‍ കഴിയുന്ന ഉദയങ്ങളാണ് ഈ തീരത്തിന്റെ സവിശേഷത.
പല വിദേശികളും ദിവസങ്ങളോളം ഈ പ്രദേശത്തെ തങ്ങി പ്രഭാതങ്ങളിലെ ആനന്ദം നുകരുന്നു.
തികച്ചും ശാന്തമായ ഈ തീരം പല സഞ്ചാരികള്‍ക്കും ധാരണയില്ല. അതിനാല്‍ തന്നെ ഇവിടെ തിരക്കുകള്‍ അനുഭവപ്പെടുന്നില്ല.
കടലിലേക്ക് ഇറങ്ങി നില്‍ക്കുന്ന പാറക്കൂട്ടങ്ങളില്‍ നിന്ന് ഉദയം ആസ്വദിക്കാവുന്ന ഒന്നാണ്.
ഗാലിഗ്ബാഗ
അതിശയകരമായ ഈ തീരം ഗോവയിലെ പ്രകൃതി മാനോഹാരിത ഏറ്റവും നന്നായി ആസ്വദിക്കാന്‍ സാധിക്കുന്നയിടമാണ്.
ഗാലിഗ്ബാഗ തീരം അവിശ്വസനീയമായ ഭൂപ്രകൃതി നിറഞ്ഞ ഒരുയിടമാണ്.
വംശനാശം സംഭവിച്ചുക്കൊണ്ടിരിക്കുന്ന കടലാമകളായ ഒലിവ് റൈഡ്ലി ടര്‍ട്ടിലുകള്‍ കൂടുകീട്ടുകയും മുട്ടിയിടുകയും ഒക്കെ ചെയ്യുന്ന തീരമാണിവിടം.
അതിനാല്‍ തന്നെ ഈ തീരത്തേക്ക് ചില സീസണുകളില്‍ സന്ദര്‍ശകരെ അനുവദിക്കില്ല.
ഇതൊരു സംരക്ഷിത തീരമാണ്.
യാത്രികര്‍ക്ക് വ്യത്യസ്തമായ അനുഭവം പ്രദാനം ചെയ്യുന്ന തീരമാണ് ഗാലിഗ്ബാഗ.
കക്കോലം ബീച്ച്
കക്കോലം ബീച്ചിനെ ടൈഗര്‍ ബീച്ച് എന്ന് വിളിക്കാറുണ്ട്.
ശാന്തസുന്ദരമായ ഈ തീരം പ്രണയികള്‍ക്കും ദമ്പതികള്‍ക്കും ആസ്വാദ്യകരമായയിടമാണ്.
ഗോവയിലെ തന്നെ ഏറ്റവും മികച്ച റൊമാന്റിക്ക് സ്പോട്ടായ കക്കോലം ബീച്ച് പലര്‍ക്കും അറിയില്ല.
കടലിനോട് ചേര്‍ന്നുള്ള ചില സ്റ്റേഹൗസുകളിലെ താമസം കിടിലന്‍ വൈബുകളാണ് സമ്മാനിക്കുന്നത്.
രുചികരമായ തനത് ഭക്ഷണങ്ങളും ഇവിടെ ലഭ്യമാണ്.
ഒളിഞ്ഞുകിടക്കുന്ന ഈ തീരത്തിന്റെ പ്രകൃതിഭംഗി തികച്ചും അത്ഭുതകരമാണ്.
ബെറ്റുള്‍ ബീച്ച്
ബെറ്റുള്‍ ബീച്ചും ഒറ്റപ്പെട്ട് ശാന്തമായ ഒരു തീരമാണ്.
ഫോട്ടോഗ്രാഫിയില്‍ തല്‍പരര്‍ക്ക് എന്തുക്കൊണ്ടും ആവേശകരമായ വൈബുകളും ആമ്പിയന്‍സുകളും സമ്മാനിക്കുന്നയിടമാണ് ബെറ്റുള്‍ ബീച്ച്.
സൗന്ദര്യമാണ് ബെറ്റുള്‍ ബീച്ചിന്റെ സവിശേഷത. ഈ സുന്ദരമായ മത്സ്യബന്ധന ഗ്രാമത്തിന്റെ ഭൂപ്രകൃതി വാക്കുകള്‍ക്കതീതമാണ്, അനുഭവിച്ച് തന്നെ അറിയണം.
സഞ്ചാരികളുടെ പാദങ്ങള്‍ അധികം പതിയാത്ത ഈ തീരം വെര്‍ജിന്‍ ലാന്‍ഡ് ആണെന്ന് പറയാം.
ബട്ടര്‍ഫ്ളൈ ബീച്ച്
ബട്ടര്‍ഫ്ളൈ ബീച്ചില്‍ എത്തിയാല്‍ മറ്റേതോ മായലോകത്ത് എത്തിപ്പെട്ടതുപോലെ തോന്നും.
അധികം സഞ്ചാരികള്‍ എത്താത്ത ഈ തീരം പര്യവേക്ഷണങ്ങള്‍ ഒന്നും നടന്നിട്ടില്ലാത്തതിനാല്‍ പുതുയിടങ്ങളെ തേടുന്നവര്‍ക്ക് പറ്റിയതാണ്.
ഓഫ്ബീറ്റ് യാത്രികരെ സംബന്ധിച്ചടത്തോളം അവരുടെ ഹൃദയം കവരുന്ന ഒരുയിടമാണ് ബട്ടര്‍ഫ്ളൈ ബീച്ച്.
ഈ ഒറ്റപ്പെട്ട് കിടക്കുന്ന തീരത്തേക്ക് എത്തണമെങ്കില്‍ ഒന്നുകില്‍ പ്രവൈറ്റ് ബോട്ടുകളെ ആശ്രേയിക്കണം.
അല്ലെങ്കില്‍ ചെറിയ ട്രെക്കിംഗുകള്‍ നടത്തണം.
വെയിന്‍ഗുനിം ബീച്ച്
ഗോവയിലെ ഗംഭീരമായ സീക്രട്ട് ബീച്ചുകളിലൊന്നാണ് വെയിന്‍ഗുനിം ബീച്ച്. വെള്ളി മണല്‍ നിറഞ്ഞ ഈ തീരം മനംകവരും.
സൂര്യപ്രകാശത്തില്‍ വെട്ടിത്തിളങ്ങുന്ന ഈ മണല്‍ത്തീരം സായ്ഹ്ന വേളകളിലെ വിശ്രമങ്ങള്‍ ആനന്ദകരമാക്കും.
വളരെക്കുറച്ച് പേര്‍ക്ക് മാത്രം അറിയാവുന്ന ഈ തീരം എല്ലാ തിരക്കുകളില്‍ നിന്ന് ഓടിയൊളിക്കാന്‍ പറ്റിയ ശാന്തവും സുന്ദരവുമായ ഒരുയിടമാണ്.
ഗോവന്‍ വിഭവങ്ങള്‍ ആസ്വദിച്ച് രാത്രികള്‍ ആവേശകരമാക്കാന്‍ ഈ തീരം തിരഞ്ഞെടുക്കാം.
