2026 ലോകകപ്പിനുള്ള ദക്ഷിണ അമേരിക്കൻ യോഗ്യതാ മത്സരത്തില് ചൊവ്വാഴ്ച ബ്രസീലും ഉറുഗ്വേയും ആവേശകരമായ സമനിലയില് 1-1 പിരിഞ്ഞു.
ആദ്യ പകുതിയില് ഇരു ടീമുകളും ഇഞ്ചോടിഞ്ച് പോരാട്ടമാണ് കാഴ്ചവെച്ചത്. ഇടവേളയ്ക്കുശേഷം, 55-ാം മിനിറ്റില് റയല് മാഡ്രിഡിൻ്റെ ഫെഡറിക്കോ വാല്വെർഡെ അതിശയിപ്പിക്കുന്ന ലോംഗ് റേഞ്ച് സ്ട്രൈക്കിലൂടെ സമനില തകർത്തു. സ്കോർ 1-0.
ബ്രസീല് അതിവേഗം പ്രതികരിച്ചു, 62-ാം മിനിറ്റില്, ഉറുഗ്വേയുടെ പ്രതിരോധ പിഴവിനെത്തുടർന്ന് ഫ്ലെമെംഗോയുടെ ഗെർസണ് മികച്ച വോളിയിലൂടെ തൻ്റെ ആദ്യ അന്താരാഷ്ട്ര ഗോള് നേടി. സമനില ഗോള് ഹോം കാണികളെ ആവേശത്തില് ആക്കി എങ്കിലും ശേഷിക്കുന്ന മിനിറ്റുകളില് ഇരു ടീമുകള്ക്കും വിജയ ഗോള് കണ്ടെത്താൻ കഴിഞ്ഞില്ല.