എഡിഎം നവീന്‍ ബാബുവിനെ കൊന്ന് കെട്ടിത്തൂക്കിയതെന്ന് പി.വി അന്‍വര്‍ എംഎല്‍എ. പി. ശശിയുടെ രഹസ്യങ്ങള്‍ നവീന്‍ ബാബുവിന് അറിയുമായിരുന്നോവെന്നും നിയമവിരുദ്ധമായ കാര്യങ്ങള്‍ ചെയ്യാന്‍ പി. ശശി നിര്‍ബന്ധിക്കുന്നുവെന്ന് നവീന്‍ ബാബു അടുപ്പക്കാരോട് പറഞ്ഞിരുന്നുവെന്നും അന്‍വര്‍ മാധ്യമങ്ങളോട് പറഞ്ഞു.നവീന്‍ ബാബുവിന്റെ പോസ്റ്റ്മാര്‍ട്ടം, ഇന്‍ക്വസ്റ്റ് റിപ്പോര്‍ട്ടുകളില്‍ പൊലീസിന്റെ കള്ളക്കളി നടന്നിട്ടുണ്ട്. ഇന്‍ക്വസ്റ്റ് നടപടികളില്‍ കുടുംബാംഗങ്ങളുടെ സാന്നിധ്യം ആവശ്യമാണ്. നവീന്‍ ബാബുവിന്റെ നടപടികളില്‍ അത് ഉണ്ടായില്ല.പൊലീസ് നടപടികളില്‍ ദുരൂഹതയുണ്ട്. 0.5 സെന്റിമീറ്റര്‍ വീതിയുള്ള കയറില്‍ തൂങ്ങി എന്നാണ് പൊലീസ് പറയുന്നത്. നവീന്‍ ബാബുവിന്റെ ഭാരം കണക്കാക്കിയാല്‍ കയര്‍ പൊട്ടി വീഴേണ്ടതാണെന്നും കയറിന്റെ മാതൃക കാണിച്ചുകൊണ്ട് അന്‍വര്‍ പറഞ്ഞു.ആന്തരികാവയവങ്ങള്‍ ശാസ്ത്രീയ പരിശോധനയ്ക്ക് അയച്ചിട്ടില്ല. ആരുടെയൊക്കെയോ താല്പര്യം സംരക്ഷിക്കുംവിധമാണ് റിപ്പോര്‍ട്ടുകള്‍ തയ്യാറാക്കിയത്. കേസില്‍ കക്ഷി ചേരുമെന്നും പി. ശശിയുടെ പങ്ക് പരിശോധിക്കണമെന്ന് കോടതിയില്‍ ആവശ്യപ്പെടുമെന്നും അദ്ദേഹം പറഞ്ഞു