വയനാടിനോടു ചേർന്നുള്ള ബന്ദിപ്പുർ കടുവാ സങ്കേതത്തിനു സമീപത്തെ കർണാടക ഗ്രാമത്തിൽ യുവാവിനെ കാട്ടാന ചവിട്ടി കൊന്നതായി റിപ്പോർട്ട്. എച്ച്ഡി കോട്ട സർഗൂർ പോലീസ് സ്റ്റേഷൻ പരിധിയിലെ ഗദ്ദള്ള ഗ്രാമത്തിലായിരുന്നു സംഭവം. ഗദ്ദള്ള സ്വദേശി അവിനാഷിനെയാണ്ണ് ആന ചവിട്ടി കൊലപ്പെടുത്തിയത്. 22 വയസായിരുന്നു. പ്രഭാത സവാരിക്കിറങ്ങിയപ്പോഴാണ് അവിനാഷിനെ കാട്ടാന ആക്രമിച്ചത്. വനാതിർത്തിയിൽനിന്നു രണ്ടു കിലോമീറ്റർ അകലെ ഗ്രാമീണ റോഡിലെത്തിയാണ് ആന യുവാവിനെ ആക്രമിച്ചത്.