സിബിഎസ്ഇ 10, 12 ക്ലാസ് ബോർഡ് പരീക്ഷകൾ ഇന്ന് ആരംഭിക്കും.ഇന്ത്യയിലും മറ്റ് 26 രാജ്യങ്ങളിലുമായി 7842 സെന്ററുകളിൽ 42 ലക്ഷം വിദ്യാർഥികളാണു പരീക്ഷ എഴുതുന്നത്.കഴിഞ്ഞ വർഷത്തെക്കാൾ 3.14 ലക്ഷം വിദ്യാർഥികൾ അധികം. 10-ാം ക്ലാസ് പരീക്ഷ ഇക്കുറി 24.12 ലക്ഷം പേരാണ് എഴുതുന്ന ത്. 12-ാം ക്ലാസ് പരീക്ഷ 17.88 ലക്ഷം പേരും.10-ാം ക്ലാസിന് ഇന്നു ഇംഗ്ലിഷ് പരീക്ഷയാണു നടക്കുക.12-ാം ക്ലാസിനു ഒൻട്രപ്രനർഷിപ്പാണ് പരീക്ഷാ വിഷയം.10-ാം ക്ലാസ് പരീക്ഷ മാർച്ച് 18നാണ് അവസാനിക്കുന്നത്. 12-ാം ക്ലാസ് പരീക്ഷ ഏപ്രിൽ നാലിനും. മേയ് പകുതിയോടെ ഫലം പ്രഖ്യാപിക്കും.