കെഎസ്ആര്ടിസി ബസ് താഴ്ചയിലേക്ക് മറിഞ്ഞ് അപകടം. 15 പേർക്ക് പരിക്ക് പറ്റി. ബസിലുണ്ടായിരുന്ന 15 വയസ്സോളം പ്രായമായ പെൺകുട്ടി മരിച്ചു എന്നും വിവരമുണ്ട്. ഔദ്യോഗികമായി സ്ഥിരീകരിച്ചിട്ടില്ല. കുട്ടിയെ കോതമംഗലത്തെ ആശുപത്രിയിൽ എത്തിച്ചു.എറണാകുളം നേര്യമംഗലം മണിയാമ്പാറയിലാണ് അപകടമുണ്ടായത്. മറിഞ്ഞ ബസിനടിയിൽ കുടുങ്ങിക്കിടന്നവരെ പുറത്ത് എടുത്ത് ആശുപത്രിയിൽ എത്തിക്കുകയായിരുന്നു.സ്ഥലത്ത് ഫയർഫോഴ്സും രക്ഷാപ്രവർത്തനം പൂർത്തിയാക്കി. നേര്യമംഗലത്തുനിന്നും ഇടുക്കിയിലേക്ക് വരുന്ന പാതയിലാണ് അപകടമുണ്ടായത്.അപകടത്തിന്റെ കൂടുതൽ വിവരങ്ങള് ലഭ്യമായി വരുന്നേയുള്ളു.ബസിൽ നിറയെ യാത്രക്കാരുണ്ടായിരുന്നുവെന്നാണ് വിവരം. പരിക്കേറ്റവരുടെ നില ഗുരുതരമല്ല.