ക്രിക്കറ്റ് താരം റിങ്കു സിങ്ങും സമാജ് വാദി പാർട്ടി എംപി പ്രിയ സരോജും വിവാഹിതരാകുന്നു. ഇരുവരുടേയും വിവാഹനിശ്ചയം ജൂണ് എട്ടിന് നടക്കും. ഇന്ത്യൻ ടി20 ടീമിലെ സ്ഥിര സാന്നിധ്യമാണ് റിങ്കു. പ്രിയ സരോജ് ലോക്സഭയിലെ പ്രായം കുറഞ്ഞ എം.പിമാരില് ഒരാളാണ്. 25-കാരിയായ പ്രിയ ജൗൻപൂരിലെ മച്ലിഷഹർ മണ്ഡലത്തിലെ ജനപ്രതിനിധിയാണ്. സുഹൃത്ത് വഴിയാണ് റിങ്കു സിങുമായി പ്രിയ പരിചയത്തിലാകുന്നത്. ഒരു വർഷത്തിലേറെയായി ഇരുവരും പരിചയത്തിലായിരുന്നു. ലഖ്നൗവിലെ ഹോട്ടലില് വെച്ചാണ് വിവാഹനിശ്ചയമെന്നാണ് വിവരം.