അവിശ്വാസ പ്രമേയത്തെത്തുടർന്ന് എൽഡിഎഫിന് ഭരണം നഷ്‌ടമായ എറണാകുളം കൂത്താട്ടുകുളം നഗരസഭയിൽ സിപിഐഎം വിമത യുഡിഎഫിന്റെ ചെയർപേഴ്സൺ സ്ഥാനാർഥി.കലാ രാജുവിനെയാണ് യുഡിഎഫ് സ്ഥാനാർഥിയായി പരിഗണിച്ചിരിക്കുന്നത്. നാളെയാണ് തിരഞ്ഞെടുപ്പ് നടക്കുക. ഈ മാസം അഞ്ചാം തിയതിയാണ് കൂത്താട്ടുകുളം നഗരസഭയിൽ അവിശ്വാസപ്രമേയ ചർച്ച നടക്കുകയും സിപിഐഎമ്മിന് ഭരണം നഷ്ടമാകുകയും ചെയ്‌തത്‌. സിപിഐഎം വിമത കലാ രാജു ഉൾപ്പെടെയുള്ളവർ യുഡിഎഫിന് അനുകൂലമായിട്ടാണ് വോട്ട് രേഖപ്പെടുത്തിയത്. അതേസമയം കലാ രാജുവിന് വിപ്പ് നൽകുമെന്ന് സിപിഐഎം പ്രഖ്യാപിച്ചിട്ടുണ്ട്. കലാ രാജുവിനേയും മറ്റൊരു സ്വതന്ത്ര സ്ഥാനാർഥിയുമാണ് ചെയർപേഴ്സൺ, വൈസ് ചെയർപേഴ്സൺ സ്ഥാനങ്ങളിലേക്ക് യുഡിഎഫ് പരിഗണിക്കുന്നത്.