സൗന്ദര്യവൽക്കരിച്ച രാമഞ്ചിറ റൗണ്ട് എബൌട്ട് നാടിനു സമർപ്പിച്ചു

തിരുവല്ല നഗരത്തിന്റെ പ്രവേശന കവാടമായ രാമഞ്ചിറ ബൈപാസ് ജംഗ്ഷനിൽ പണിതീർത്ത ഉദ്യാനം തിരുവല്ല എം എൽ എ അഡ്വ. മാത്യു ടി . തോമസ് നാടിനു സമർപ്പിച്ചു.

തിരുവല്ല നഗരം മനോഹരമാക്കുന്നതിന്റെ മുന്നോടിയാണ് അതിന്റെ പ്രവേശനകവാടങ്ങൾ മനോഹരമാക്കുന്നത് എന്ന് അദ്ദേഹം പറഞ്ഞു.

മനോഹരമാക്കപ്പെട്ട പ്രദേശങ്ങൾ സാമൂഹികവിരുദ്ധരുടെ കടന്നുകയറ്റത്തിൽനിന്നു സംരക്ഷിക്കുവാനും പരിപാലിക്കുവാനും പോലീസ് ഡിപ്പാർട്മെന്റും നഗരസഭയും മുൻകൈ എടുക്കണമെന്നും അദ്ദേഹം പറഞ്ഞു.

ടി എം എം ഗ്രൂപ്പ് ചെയർമാൻ ജോർജ്ജ് കോശി മൈലപ്ര യോഗത്തിൽ അധ്യക്ഷത വഹിച്ചു.
തിരുവല്ല നഗരസഭാ ചെയർപേഴ്സൺ അനു ജോർജ്ജ്, തിരുവല്ല ഡിവൈഎസ്പി ആഷാദ് എസ, പിഡ്ബ്ലിയുഡി എഇഇ ശുഭ പി കെ , ടി എം എം സെക്രട്ടറി ബെന്നി ഫിലിപ്പ്, ട്രഷറാർ എബി ജോർജ്ജ്, അഡ്മിനിസ്ട്രേറ്റ് ജോർജ്ജ് മാത്യു, നഗരസഭാംഗം മാത്യൂസ് ചാലക്കുഴി തുടങ്ങിയവർ ചടങ്ങിൽ സംസാരിച്ചു .തിരുവല്ല മെഡിക്കൽ മിഷൻ ആശുപത്രിയുടെ നേതൃത്വത്തിൽ ആണ് സൗന്ദര്യവൽക്കരണ പദ്ധതി നടപ്പാക്കിയത്.