ഓടിക്കൊണ്ടിരുന്ന കാറിന് തീപിടിച്ച് അപകടം, ഒഴിവായത് വൻ ദുരന്തം..തിങ്കളാഴ്ച രാവിലെ 9.30ന് ചങ്ങനാശേരി റെയിൽവേ പാലത്തിനു സമീപം ഗുഡ്ഷെഡ് റോഡിലായിരുന്നു അപകടം ചങ്ങനാശേരി സ്വദേശി മുഹമ്മദ് ഫയാസും കുടുബവുമാണ് കാറിലുണ്ടായിരുന്നത്.ഓട്ടത്തിനിടെ പുക ഉയരുന്നത് കണ്ട് കാറിലുണ്ടായിരുന്നവർ പുറത്തിറങ്ങിയതും തീ പിടിക്കുകയായിരുന്നു. മുൻഭാഗത്താണ് തീ ഉയർന്നത്.തുടർന്ന് ചങ്ങനാശേരി ഫയർഫോഴ്സ് സ്റ്റേഷൻ ഓഫിസർ അനൂപ് രവീന്ദ്രൻ, സീനിയർ ഫയർ ആൻഡ് റെസ്ക്യു ഓഫിസർ ഗണേഷ് കുമാർ, മുഹമ്മദ് സാലിഹ്, ബെന്നി, അതുൽദേവ്, അഭിലാഷ് ശേഖർ, പ്രവീൺ, സിബിച്ചൻ എന്നിവർ എത്തിയാണ് തീ പൂർണമായും കെടുത്തിയത്.