ഹൈദരാബാദിലെ മാധാപൂരില്‍ ഷോപ്പിംഗ് മോളിന് മുന്നില്‍ അമിതവേഗതയിലെത്തിയ ആഡംബര കാറിടിച്ച്‌ പ്രൊമോട്ടറായ യുവതി കൊല്ലപ്പെട്ടു.ആന്ധ്രാപ്രദേശില്‍ നിന്നുള്ള ജനസേന പാർട്ടി രാജ്യസഭാ എം.പി ലിംഗമനേനി രമേശിന്റെ 23-കാരനായ മകൻ സഞ്ജുഷ് ഓടിച്ച ആസ്റ്റണ്‍ മാർട്ടിൻ കാറാണ് അപകടമുണ്ടാക്കിയത്.നഗരത്തിലെ മാളില്‍ സെയില്‍സ് വുമണായി ജോലി ചെയ്യുന്ന ഭാരതി മുഖി (26) ആണ് മരിച്ചത്. ഓഗസ്റ്റ് 16-നായിരുന്നു സംഭവം. ഭക്ഷണം കഴിച്ച്‌ തിരികെ ജോലി സ്ഥലത്തേക്ക് റോഡ് മുറിച്ചുകടക്കുന്നതിനിടെ അമിതവേഗതയില്‍ വന്ന ആഡംബര കാർ ഭാരതിയെ ഇടിച്ചുതെറിപ്പിക്കുകയായിരുന്നു. തലയ്ക്ക് ഗുരുതരമായി പരിക്കേറ്റ യുവതിയെ ഇതേ കാറില്‍ തന്നെ സമീപത്തെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല.