ഗുളിക മാറി നല്കിയെന്ന് ആരോപണം: ഗുരുതരാവസ്ഥയില് കോഴിക്കോട് മെഡിക്കല് കോളജില് ചികില്സയിലായിരുന്ന രോഗി മരിച്ചു.കോഴിക്കോട് കല്ലാച്ചി വിഷ്ണുമംഗലം സ്വദേശി ചന്ദ്രൻ മെഡിക്കല് കോളേജില് ഇന്ന് പുലർച്ചെയാണ് മരിച്ചത്. കഴിഞ്ഞ മാസം 23 നാണ് നാദാപുരം ഗവണ്മെൻ്റ് ആശുപത്രിയില് ചികില്സക്കിടെ ചന്ദ്രന് മരുന്ന് മാറി നല്കിയെന്ന് ബന്ധുക്കള് ആരോപിച്ചത്. ആശുപത്രിയിലെ ഡോക്ടർ ഉറക്ക ഗുളിക മാറി നല്കിയെന്നും അബോധാവസ്ഥയിലായെന്നുമായിരുന്നു പരാതി. വലിയ പ്രതിഷേധമാണ് ഇതിൻ്റെ ഭാഗമായി ഉയർന്ന് വന്നത്.