പ്രീക്വാര്ട്ടര് പോരാട്ടത്തില് ഒന്നിനെതിരെ നാല് ഗോളുകള്ക്ക് അമേരിക്കയെ തകര്ത്തെറിഞ്ഞ് ബെല്ജിയം ക്വാര്ട്ടര് ഫൈനലിലേക്ക് മുന്നേറി. ബെല്ജിയത്തിന്റെ ക്ലീന് ഫുട്ബോളിന് മുന്നില് പ്രധാന ആതിഥേയരായ അമേരിക്ക തകര്ന്നടിയുകയായിരുന്നു. ക്വാര്ട്ടറില് സ്പെയിനാണ് ബെല്ജിയത്തിന്റെ എതിരാളികള്.മത്സരത്തിന് തൊട്ടുമുമ്പ് യു.എസ്. താരം ഫൊളാരിന് ബലോഗന്റെ ചുവപ്പ് കാര്ഡുമായി ബന്ധപ്പെട്ട സസ്പെന്ഷന് വിവാദമാണ് ഫുട്ബോള് ലോകത്ത് വലിയ ചര്ച്ചയായത്. ബോസ്നിയക്കെതിരെയുള്ള മത്സരത്തില് ചുവപ്പ് കാര്ഡ് കണ്ട ബലോഗന്റെ സസ്പെന്ഷന് പുനഃപരിശോധിക്കാന് താന് ഫിഫ പ്രസിഡന്റ് ജിയാനി ഇന്ഫാന്റിന്യോയെ നേരിട്ട് വിളിച്ചതായി പ്രസിഡന്റ് ഡൊണാള്ഡ് ട്രംപ് വൈറ്റ് ഹൗസ് വാര്ത്താ സമ്മേളനത്തില് സ്ഥിരീകരിച്ചിരുന്നു. മികച്ച കളിക്കാര് മൈതാനത്തുണ്ടാകണം എന്നതിനാലാണ് ഇടപെട്ടതെന്നായിരുന്നു ട്രംപിന്റെ വാദം. ഫിഫ തങ്ങളുടെ പ്രത്യേക അധികാരം ഉപയോഗിച്ച് താരത്തിന് കളിക്കാന് അനുമതി നല്കിയെങ്കിലും കളിയില് അത് അമേരിക്കയ്ക്ക് തുണയായില്ല