ശംഖുമുഖത്ത് മത്സ്യബന്ധനത്തിന് പോയ വള്ളം മറിഞ്ഞ് അപകടം ; ഒരാളെ കാണാതായി.
ശംഖുമുഖം സ്വദേശി മഹേഷിനെയാണ് കാണാതായത്.
രണ്ടുപേര് മാത്രമാണ് വള്ളത്തില് ഉണ്ടായിരുന്നത്.
കൂടെ ഉണ്ടായിരുന്ന ഒരാള് നീന്തി രക്ഷപ്പെട്ടു.
മത്സ്യത്തൊഴിലാളികളും നാട്ടുകാരും മഹേഷിനായിട്ടുള്ള തിരച്ചില് ഊര്ജിതമാക്കി.
ഇന്ന് രാവിലെ 7.30 യോടെയാണ് ഇവര് ശംഖുമുഖത്തുനിന്നും വിഴിഞ്ഞത്തേക്ക് എത്തിയത്.
അവിടെ നിന്നും മീന് പിടിക്കാന് കടലിലേക്ക് പോകുന്നതിനിടെയാണ് അപകടം ഉണ്ടായത്.
ശക്തമായ തിരയില് പെട്ട് വള്ളം തലകീഴായി മറിയുകയായിരുന്നു.
കൂടെ ഉണ്ടായിരുന്ന വിന്സെന്റ് നീന്തി കരയിലെത്തിയെങ്കിലും മഹേഷിനെ തിരയില്പ്പെട്ട് കാണാതാവുകയായിരുന്നു.