കൊല്ക്കത്തയിലെ യുവ ഡോക്ടറുടെ കൊലപാതകത്തില് അന്വേഷണം കടുപ്പിച്ച് സിബിഐ.കൊല്ലപ്പെട്ട ഡോക്ടറുടെ മൂന്ന് സഹപാഠികളെ ചോദ്യം ചെയ്ത സിബിഐ എട്ട് ഡോക്ടര്മാരോട് ചോദ്യം ചെയ്യലിന് ഹാജരാകാനും ആവശ്യപ്പെട്ടിട്ടുണ്ട്.
ഡോക്ടര്ക്കെതിരെ ലൈംഗീകാതിക്രമം നടന്ന ദിവസം രാത്രി ഡ്യൂട്ടിയില് ഉണ്ടായിരുന്നവരെയാണ് സിബിഐ ചോദ്യം ചെയ്തത്. ഇവര്ക്ക് പുറമെ ആശുപത്രി ജീവനക്കാരെയും ചോദ്യം ചെയ്തിരുന്നു. ഇതുവരെ കേസില് അറസ്റ്റിലായ 12 പേരെ ഈ മാസം 22 വരെ പൊലിസ് കസ്റ്റഡിയില് വിട്ടു. അതേസമയം, സംസ്ഥാനമെങ്ങും അലയടിക്കുന്ന പ്രതിഷേധം തണുപ്പിക്കാന് മമത ബാനര്ജി നേരിട്ടിറങ്ങുകയാണ്. മമതയുടെ നേതൃത്വത്തില് പ്രതിഷേധ ധര്ണ്ണ നടത്താനാണ് തീരുമാനം.
സംഭവത്തില് പ്രതിപക്ഷ പാര്ട്ടികള് പ്രതിഷേധം കടുപ്പിക്കുകയും രാഷ്ട്രീയ വിവാദം കൊടുമ്പിരി കൊണ്ടിരിക്കുകയും ചെയ്തിരിക്കെയാണ് മമതയുടെ നീക്കം. ഇതോടെ സര്ക്കാര് കൊല്ലപ്പെട്ട യുവതി ക്കൊപ്പമാണെന്നും കൊലയാളിയെ യാതൊരു വിധത്തിലും സംരക്ഷിക്കില്ലെന്നും ജനങ്ങളെ ബോധ്യപ്പെടുത്താനാണ് മമതയുടെ നീക്കം.