ലോകകപ്പില്‍ തുടർച്ചയായ രണ്ടാം തവണയും മുത്തമിട്ട ഇന്ത്യൻ ക്രിക്കറ്റ് ടീമിന് ബിസിസിഐയുടെ വക 131 കോടി രൂപ സമ്മാനത്തുക.2024-ല്‍ രോഹിത് ശർമ്മയുടെ നേതൃത്വത്തിലുള്ള ഇന്ത്യൻ ടീം കിരീടം നേടിയപ്പോള്‍ അന്നത്തെ ബിസിസിഐ സെക്രട്ടറി ജയ് ഷാ 125 കോടി രൂപയായിരുന്നു ടീമിന് പ്രതിഫലമായി പ്രഖ്യാപിച്ചിരുന്നത്. ഇത്തവണ അത് ആറ് കോടി കൂടി വർദ്ധിപ്പിച്ച്‌ 131 കോടിയിലെത്തിച്ചു. കൂടാതെ, ഐസിസി നല്‍കുന്ന കിരീട ജേതാക്കള്‍ക്കുള്ള 21.5 കോടി രൂപയും ഇന്ത്യയ്ക്ക് ലഭിക്കും. റണ്ണറപ്പുകളായ ന്യൂസിലൻഡിന് 10.75 കോടി രൂപയാണ് ലഭിക്കുക. അതേസമയം, ടൂർണമെന്റില്‍ സഞ്ജു അടക്കമുള്ള താരങ്ങള്‍ക്ക് സമ്മനത്തുക എത്രയാണ് കിട്ടുകയെന്ന കാര്യത്തില്‍ വ്യക്തതയില്ല. എന്നാല്‍ കഴിഞ്ഞ തവണത്തെ പോലെ സ്ക്വാഡിലുണ്ടായിരുന്ന 15 താരങ്ങള്‍ക്കും തുല്യമായ തുക ലഭിക്കാനാണ് സാധ്യത.