ചിരഞ്ജീവിയുടെ ഇളയസഹോദരനാണ് ജനസേനയുടെ പ്രസിഡന്‍റും സൂപ്പർ താരവുമായ പവൻ കല്യാൺ. പവൻ കല്യാണിൻ്റെ ജനസേനയും ബി ജെ പിയും ഇത്തവണ സഖ്യത്തിലാണ്. ആന്ധ്രാ പ്രദേശിൽ ബിജെപി-ടിഡിപി-ജനസേന സഖ്യത്തിന് പിന്തുണ പ്രഖ്യാപിച്ച് തെലുഗു സൂപ്പർ താരം ചിരഞ്ജീവി രംഗത്തെത്തി. ലോക്സഭാ, നിയമസഭാ തെരഞ്ഞെടുപ്പുകളിൽ തന്‍റെ പിന്തുണ എൻഡിഎയ്ക്കായിരിക്കുമെന്നും ചിരഞ്ജീവി പുറത്തിറക്കിയ വീഡിയോ സന്ദേശത്തിൽ വ്യക്തമാക്കിയിട്ടുണ്ട്.
ആന്ധ്രയുടെ വികസനത്തിന് എൻഡിഎ സഖ്യത്തിന് വോട്ട് ചെയ്യണമെന്ന് ചിരഞ്ജീവി ആരാധകരോട് അഭ്യർത്ഥിച്ചിരിക്കുകയാണ്.
. മുൻ കോൺഗ്രസ് എംപിയായിരുന്ന ചിരഞ്ജീവി
യുപിഎ സർക്കാരിൽ കേന്ദ്രമന്ത്രിയുമായിരുന്നു.
2014-ൽ ആന്ധ്ര വിഭജനത്തിന് ശേഷം രാഷ്ട്രീയത്തിൽ നിന്ന് വിട്ടുനിൽക്കുകയായിരുന്നു ചിരഞ്ജീവി. പതിയ കാലത്ത് കാറ്റിനൊപ്പം നിൽക്കുന്ന സമീപനമാണ് സൂപ്പർതാരം കൈകൊണ്ടിരിക്കുന്നത്.