സിപിഐ (എം) സംസ്ഥാന കമ്മിറ്റിയംഗവും മുൻ മലപ്പുറം ജില്ലാ സെക്രട്ടറിയുമായ ഇ.എൻ. മോഹൻദാസ് (74) അന്തരിച്ചു.പക്ഷാഘാതത്തെ തുടർന്ന് പെരിന്തല്മണ്ണ ഇ.എം.എസ് ആശുപത്രിയില് അതീവ ഗുരുതരാവസ്ഥയില് ചികിത്സയിലായിരുന്നു അദ്ദേഹം. മൃതദേഹം മഞ്ചേരി മെഡിക്കല് കോളേജിന് കൈമാറും.മലപ്പുറം ജില്ലയില് കമ്മ്യൂണിസ്റ്റ് പ്രസ്ഥാനത്തെ ശക്തിപ്പെടുത്തുന്നതില് നിർണ്ണായക പങ്കുവഹിച്ച അദ്ദേഹം രണ്ട് തവണ പാർട്ടി ജില്ലാ സെക്രട്ടറിയായി സേവനമനുഷ്ഠിച്ചിട്ടുണ്ട്. ദേശാഭിമാനി മലപ്പുറം യൂണിറ്റ് മുൻ മാനേജർ എന്ന നിലയിലും ശ്രദ്ധേയമായ പ്രവർത്തനം കാഴ്ചവെച്ചു. മലപ്പുറം ഇഎംഎസ് പഠന ഗവേഷണ കേന്ദ്രം സെക്രട്ടറിയുമാണ്.