ആലപ്പുഴ കൈനകരിയിൽ ഗർഭിണിയായ യുവതിയെ കൊലപ്പെടുത്തി കായലിൽ താഴ്ത്തിയ കേസിൽ പ്രതിയ്ക്ക് വധശിക്ഷ. മലപ്പുറം മുതുകോട് സ്വദേശി പ്രബീഷിനാണ് കോടതി വധശിക്ഷ വിധിച്ചത്. പുന്നപ്ര സ്വദേശി അനിത ശശിധരനാണ് കൊല്ലപ്പെട്ടത്. പ്രബീഷുമായുള്ള ബന്ധത്തിൽ ഗർഭിണിയായ അനിതയെ പെൺസുഹൃത്തിൻ്റെ സഹായത്തോടെ കൊലപ്പെടുത്തി കായലിലെറിഞ്ഞു.രണ്ടാം പ്രതി ഇയാളുടെ സുഹൃത്ത് കൈനകരി സ്വദേശിനി രജനിയെ കുറ്റക്കാരിയായി കണ്ടെത്തിയിരുന്നു.ഒഡിഷയിൽ ലഹരി കേസിൽ ജയിലിൽ കഴിയുകയാണ് ഇവർ.ഇവരെ നേരിട്ട് ഹാജരാക്കാൻ നിർദ്ദേശം നൽകി.ഇവരെ ഹാജരാക്കിയ ശേഷം ശിക്ഷ വിധിക്കും.2021 ജൂലൈ 9ന് ആണ് കൊലപാതകം.