ശബരിമല അധിക്ഷേപ പരാമർശം: സണ്ണി എം. കപിക്കാടിനെതിരെ നിയമനടപടിക്ക് ഒരുങ്ങി തിരുവിതാംകൂർ ദേവസ്വം ബോർഡ്.ശബരിമല അയ്യപ്പനെയും മാളികപ്പുറത്തമ്മയെയും കുറിച്ച് സണ്ണി എം. കപിക്കാട് നടത്തിയ വിവാദ പരാമർശങ്ങളിൽ ശക്തമായ നിയമനടപടികൾ സ്വീകരിക്കാൻ തിരുവിതാംകൂർ ദേവസ്വം ബോർഡ് തീരുമാനിച്ചു. മതവികാരങ്ങളെ വ്രണപ്പെടുത്തുന്ന രീതിയിൽ സംസാരിച്ച കപിക്കാടിനെതിരെ കേസെടുക്കണമെന്നും ബോർഡ് അടിയന്തരമായി ഇടപെടണമെന്നും പന്തളം കൊട്ടാരവും വിവിധ സംഘടനകളും ശക്തമായ ആവശ്യം ഉന്നയിച്ചതിനെ തുടർന്നാണ് ദേവസ്വം ബോർഡിന്റെ ഈ നിർണ്ണായക നീക്കം.