അമേരിക്കൻ പ്രസിഡന്റ് ഡോണള്ഡ് ട്രംപിന് സിരാസംബന്ധമായ ആരോഗ്യ പ്രശ്നം. രോഗം സ്ഥിരീകരിച്ച് വൈറ്റ് ഹൗസ്.ട്രംപിന്റെ കൈയില് കറുത്ത പാടുകള് കാണുന്ന ചിത്രങ്ങള് സമൂഹമാധ്യമങ്ങളില് പ്രചരിച്ചതിന് പിന്നാലെയാണ് രോഗം സംബന്ധിച്ച ഔദ്യോഗിക വിശദീകരണം. നേരത്തേ ട്രംപിൻറെ കാലുകളില് വീക്കം അനുഭവപ്പെട്ടതിനെ തുടർന്ന് വിവിധ പരിശോധനകള് നടത്തിയിരുന്നു. ഇതിന്റെ ഭാഗമായാണ് ക്രോണിക് വീനസ് ഇൻസഫിഷ്യൻസി എന്ന രോഗാവസ്ഥ കണ്ടെത്തിയത്.സിരകള് തകരാറിലാവുകയും രക്തം പിന്നിലേക്ക് ഒഴുകാൻ അനുവദിക്കുകയും ചെയ്യുന്ന ഒരു അവസ്ഥയാണ് ഇത്.70 വയസ്സിന് മുകളിലുള്ളവരില് ഈ രോഗം സാധാരണമാണെന്ന് വൈറ്റ് ഹൗസ് ഡോക്ടർ ഷോണ് ബാർബബെല്ല പറഞ്ഞു.