വിറക് വെട്ടുന്നതിനിടെ കൈപ്പത്തി അറ്റുപോയ ആളെ അടിയന്തിര ശസ്ത്രക്രിയക്ക് വിധേയമാക്കുന്നു
പാലാ – ഏറ്റുമാനൂർ – കാരിത്താസ് റൂട്ടിലെ വാഹന ഡ്രൈവർമാർ ശ്രദ്ധിക്കുക.
വിറക് വെട്ടുന്നതിനിടെ കോടാലി അബദ്ധത്തിൽ കൊണ്ട് കൈപ്പത്തി അറ്റുപോയ മധ്യവയസ്ക്കന് കോട്ടയം കാരിത്താസ് ആശുപത്രിയിൽ അടിയന്തിര ശസ്ത്രക്രിയ.
ഇന്ന് രാവിലെ ഉണ്ടായ അപകടത്തെ തുടർന്ന് ചെറുതോണി മെഡിക്കൽ കോളേജിൽ പ്രവേശിപ്പിച്ച 60 വയസുകാരൻ്റെ അറ്റു പോയ കൈപ്പത്തി തുന്നിച്ചേർക്കാൻ കാരിത്താസിലേക്ക് കൊണ്ടുവരാൻ നിശ്ചയിക്കുകയായിരുന്നു.
3.15 മണിയോടെ കോട്ടയം ജില്ലയിൽ പ്രവേശിക്കുന്ന ആമ്പുലൻസ് 4 മണിയോടെ ആശുപത്രിയിൽ എത്തുമെന്നാണ് കരുതുന്നത്.
പാലാ – ഏറ്റുമാനൂർ – കാരിത്താസ് റൂട്ടിൽ ആമ്പുലൻസിന് തടസ്സമുണ്ടാകാതെ വാഹന ഡ്രൈവർമാർ ശ്രദ്ധിക്കേണ്ടതാണ്.
അറ്റുപോയ കൈപ്പത്തി തുന്നിചേർക്കുന്ന സങ്കീർണമായ ശസ്ത്രക്രിയക്ക് പൂർണമായും സജ്ജമായി നിൽക്കുകയാണ് ആശുപത്രി അധികൃതർ.