ഇ‌ടുക്കിയിൽ പോയി ചുറ്റി കറങ്ങണം എന്ന് വിചാരിക്കുന്നവരാണോ നിങ്ങൾ ? എങ്കിൽ നിങ്ങൾക്ക് ഇതാ ഒരു സന്തോഷ വാർത്ത മറ്റൊന്നുമല്ല മെയ് 31 വരെ ചെറുതോണി, ഇടുക്കി ഡാമുകള്‍ പൊതുജനങ്ങളുടെ സന്ദര്‍ശനത്തിനായി തുറന്ന് കൊടുക്കാൻ അനുമതിയായി അത്രേ.
എന്നാൽ, ഇനി മറ്റൊന്നും നോക്കണ്ട. പോകാം ഇടുക്കിയിലേക്ക്.
സഞ്ചാരികളെ കാത്തിരിക്കുന്നത് വൈശാലി സിനിമയിലൂടെ ഹിറ്റായ വൈശാലി ഗുഹ അടക്കം കാണാനുള്ള അവസരമാണ്.
പിന്നെ പോകുമ്പോൾ ഈ ദിവസങ്ങളിൽ പോകാതിരിക്കാൻ നോക്കണം.
ബുധനാഴ്ചകളിലും വെള്ളം തുറന്നുവിടേണ്ട ദിവസങ്ങളിലും.
ഈ ദിവസങ്ങളിൽ സന്ദർശകർക്ക് പ്രവേശനം അനുവദിക്കില്ല.
ഡാമിന് മുന്നിലെ കൗണ്ടറില്‍ നിന്ന് ടിക്കറ്റ് എടുക്കാൻ സൗകര്യം ഉണ്ട്.
രാവിലെ 9.30 മുതല്‍ വൈകിട്ട് 5 വരെയാണ് സന്ദര്‍ശന സമയം.
മുതിർന്നവർക്ക് 150 രൂപയും കുട്ടികള്‍ക്ക് 100 രൂപയുമാണ് ടിക്കറ്റ് നിരക്ക്.
ഓർക്കുക, ഗ്രീന്‍ പ്രോട്ടോക്കോള്‍ ഉറപ്പാക്കിയാകും സന്ദര്‍ശകരെ പ്രവേശിപ്പിക്കുക.