കൊച്ചിയില് നടി ആക്രമിക്കപ്പെട്ട കേസില് അതിജീവിതയുടെ ഹർജി ഹൈക്കോടതി ഫയലില് സ്വീകരിച്ചു.കേസിലെ പ്രധാന തെളിവായ മെമ്മറി കാർഡും പെൻഡ്രൈവും ഹാജരാക്കണമെന്ന് നിർദേശമുണ്ട്.മെമ്മറി കാർഡും പെൻഡ്രൈവും നേരിട്ട് കോടതിയില് ഹാജരാക്കണമെന്നാണ ഹൈക്കോടതി നിർദേശിച്ചത്.ഒരു മാസത്തിനകം മുദ്രവച്ച കവറില് ഹാജരാക്കാൻ എറണാകുളം പ്രിൻസിപ്പല് സെഷൻ കോടതിയോടാണ് ഹൈക്കോടതിയുടെ നിർദേശം. മെമ്മറി കാർഡ് പരിശോധനയിലെ എസ്ഐടി അന്വേഷണ ആവശ്യം പ്രഥമദൃഷ്ട്യാ നിലനില്ക്കുമെന്നും ഹൈക്കോടതി വ്യക്തമാക്കി. എസ്ഐടി അന്വേഷണ ആവശ്യത്തില് പ്രൊസിക്യൂഷൻ നിലപാട് അറിയിക്കണമെന്നും ഹൈക്കോടതി നിർദേശിച്ചു.