കേരള കര്ഷകതൊഴിലാളി ക്ഷേമനിധിയില് അംഗങ്ങളായ തൊഴിലാളികളുടെ മക്കള്ക്ക് 2025 വര്ഷത്തെ ഉന്നത വിദ്യാഭ്യാസ അവാര്ഡിനുള്ള അപേക്ഷ ക്ഷണിച്ചു. കേന്ദ്ര/കേരള സര്ക്കാര്/എയ്ഡഡ് വിദ്യാഭ്യാസ സ്ഥാപനങ്ങളില് പഠിച്ച ഡിഗ്രി, പിജി, പ്രൊഫഷണല് ഡിഗ്രി, പ്രൊഫഷണല് പിജി, ടി.ടി.സി. ഐ.ടി.ഐ. പോളിടെക്നിക്, ജനറല് നഴ്സിങ്ങ്, ബി.എഡ്, മെഡിക്കല് ഡിപ്ലോമ, എന്നീ കോഴ്സുകളിലേതെങ്കിലും ആദ്യ ചാന്സില് ഉന്നത വിജയം നേടിയ കുട്ടികളുടെ രക്ഷിതാക്കള്ക്ക് അപേക്ഷിക്കാം. ഓരോ കോഴ്സിനും ജില്ലയില് ആദ്യത്തെ മൂന്നു സ്ഥാനക്കാര്ക്ക് മാത്രമേ അവാര്ഡിന് അര്ഹതയുള്ളൂ. അപേക്ഷ കേരള കര്ഷകതൊഴിലാളി ക്ഷേമനിധി ബോര്ഡിന്റെ മലപ്പുറം ജില്ലാ എക്സിക്യൂട്ടീവ് ഓഫീസില് ഫെബ്രുവരി 16ന് വൈകുന്നേരം അഞ്ചിനകം ലഭ്യമാക്കണം. അപേക്ഷിക്കുന്ന അംഗത്തിന് വിദ്യാര്ത്ഥിയുടെ പരീക്ഷ തിയതിക്ക് തൊട്ടുമുമ്പുള്ള മാസത്തില് 12 മാസത്തെ അംഗത്വകാലം പൂര്ത്തീകരിച്ചിരിക്കണം. പരീക്ഷാ തിയതിയിലും അപേക്ഷാ തിയതിയിലും അംഗത്തിന് 24 മാസത്തില് കൂടുതല് അംശാദായ കുടിശ്ശിക ഉണ്ടാകാന് പാടില്ല. അപേക്ഷ ഫോം www.agriworkersfund.org എന്ന വെബ് സൈറ്റില് ലഭിക്കും. ഫോണ് 0483-2732001.