കൊക്കയ്ൻ, മെത്താംഫിറ്റമിൻ, ക‌ഞ്ചാവ് അടക്കമുള്ള ലഹരി വസ്തുക്കളുമായി വനിതയടക്കം 6 പേര്‍ കൊച്ചിയിൽ പിടിയിലായി.
രഹസ്യ വിവരത്തിന്റെ അടിസ്ഥാനത്തിൽ എളമക്കരയിലെ ലോ‍ഡ്ജിൽ നടത്തിയ റെയ്ഡിലാണ് പ്രതികൾ അറസ്റ്റിലായത്. പാലക്കാട്, ഇടുക്കി ജില്ലകളിൽ നിന്നുള്ളവരാണ് പിടിയിലായ പ്രതികൾ.
ചെറിയ അളവിലുള്ളതാണ് പിടിച്ചെടുത്ത ലഹരിയെന്നാണ് വിവരം. ഇവർ സ്വന്തം ഉപയോഗത്തിനും വിൽപ്പനയ്ക്കുമായാണ് ലഹരി എത്തിച്ചത്.
പിടിയിലായ പ്രതികൾ ബെംഗളൂരുവിൽ നിന്ന് മയക്കുമരുന്ന് കൊണ്ടുവന്ന് വിൽപ്പന നടത്തുകയായിരുന്നു.
പിടിയിൽ ആയവരിൽ ചിലർ മുൻപ് സമാന കേസുകളിൽ അറസ്റ്റിലായവരാണെന്ന് പൊലീസ് പറയുന്നു.