സംസ്ഥാനത്ത് മഴ തോരാതെ പെയ്യുകയാണ്.
നിറുത്താതെ പെയ്ത മഴയിൽ ഒട്ടനവധി നാശനഷ്ടങ്ങളാണ് ഉണ്ടായത്.
മഴയുടെ സാധ്യതകൾ പരിഗണിച്ച് കണ്ണൂരിൽ ഇന്ന് യെല്ലോ അലർട്ട് ആണ്.
മലയോര മേഖലകളിൽ ജാഗ്രത തുടരണം എന്നും അറിയിക്കുന്നുണ്ട്.
ഇടിയോടും കാറ്റോടും കൂടിയ മഴയ്ക്കാണ് സാധ്യത.
കേരളാ തീരത്ത് ഉയർന്ന തിരമാലകൾക്ക് സാധ്യത ഉണ്ട്.
കേരളാ തീരത്ത് പടിഞ്ഞാറൻ കാറ്റ് ശക്തമാണ്.
തെക്ക് കിഴക്കൻ അറബിക്കടലിൽ തെക്കൻ കേരളത്തിന് അരികെയായി ഒരു ചക്രവാതച്ചുഴി നിലനിൽക്കുന്നുണ്ട്.
ഇതിന്റെ സ്വാധീനഫലമായാണ് മഴ കനക്കുന്നത്.
എന്തായാലും, മഴ കനക്കുന്ന ഈ സാഹചര്യത്തിൽ അതീവ ജാഗ്രത വേണം.