എൻജിനീയറിങ്, ഫാർമസി കോഴ്സുകളിലേ ക്കുള്ള പ്രവേശന പരീക്ഷയുടെ (കീം-2027) തീയതി പ്രഖ്യാപിച്ചു. അടുത്ത വർഷം ഏപ്രിലിൽ 21 മുതൽ 26 വരെയാണ് കംപ്യൂട്ടർ അധിഷ്ഠിത പരീക്ഷ(സിബിടി). എല്ലാ ദിവസവും ഉച്ചയ്ക്ക് 2 മുതൽ വൈകിട്ട് 5 വരെയാണ് പരീക്ഷയുടെ സമയക്രമം. മൂന്ന് മണിക്കൂറായിരിക്കും പരീക്ഷയുടെ ദൈർഘ്യം. പരീക്ഷാ തീയതികൾ പ്രഖ്യാപിച്ചതോടെ വിദ്യാർഥികൾക്ക് പഠനവും ആവർത്തനവും ക്രമീകരിച്ച് മുന്നോട്ടുപോകാം.അപേക്ഷാ തീയതി, അവസാന തീയതി, പരീക്ഷാകേന്ദ്രങ്ങൾ, പ്രവേശന നടപടികൾ തുടങ്ങിയ കൂടുതൽ വിവരങ്ങൾ പ്രവേശന പരീക്ഷാ കമ്മീഷണറുടെ ഔദ്യോഗിക വെബ്സൈറ്റിൽ പ്രസിദ്ധീകരിക്കുന്ന വിജ്ഞാപനത്തിലും പ്രോസ്പെക്ടസിലും ലഭ്യമാകും.ഹെൽലൈൻ നമ്പർ: 0471- 2332120.