മഴ തകർത്ത് പെയ്യുകയാണ്. അങ്ങനെയെങ്കിൽ പോലും ഡാമുകളിലെ ജലനിരപ്പ് ഉയര്‍ന്നില്ല.
അതായത് കേരളത്തിലൊട്ടാകെ നല്ല മഴ ലഭിച്ചിട്ടും 67.053 ദശലക്ഷം യൂണിറ്റ് വൈദ്യുതി ഉത്പാദിപ്പിക്കാൻ ആവശ്യമായ വെള്ളത്തിന്റെ കുറവാണ് ഉള്ളത്. ഇതോടെ കെ.എസ്.ഇ.ബിക്ക് നിരാശയാണ്.
ഇടുക്കി ഡാമിന്റെ വൃഷ്ടിപ്രദേശത്ത് കാര്യമായ മഴ ലഭിച്ചു തുടങ്ങിയിട്ടില്ലാത്ത സാഹചര്യത്തിൽ ഇടുക്കിയിൽ 32.89 ശതമാനം വെള്ളം മാത്രമാണുള്ളത്.
മഴക്കാലത്ത് തിരികെ നല്‍കാമെന്ന വ്യവസ്ഥയില്‍ മാര്‍ച്ച് മുതല്‍ പഞ്ചാബ്, മധ്യപ്രദേശ് സംസ്ഥാനങ്ങളില്‍ നിന്ന് വൈദ്യുതി വാങ്ങിയിരുന്നു. മഴകുറഞ്ഞാല്‍ ഇതിന് തടസ്സമാകും.
മണ്‍സൂണ്‍ എത്തുമ്പോഴേക്കും സ്ഥിതി മാറുമെന്നാണ് കെ.എസ്.ഇ.ബി പ്രതീക്ഷിക്കുന്നത്. കേരളത്തിലെ എല്ലാ ഡാമുകളുടെയും സ്ഥിതി ഇപ്പോൾ ഇത് തന്നെയാണ്.
എന്തായാലും വരും ദിവസങ്ങളിൽ ജലനിരപ്പ് ഉയരും എന്ന് പ്രതീക്ഷിക്കാം.