മോഷണം തടയാൻ എന്തും ചെയ്യും എന്ന ഘട്ടം വരെയെത്തി ലണ്ടനിലെ കാറുടമകൾ. ഇൻ്റർനെറ്റിൽ 95 ലക്ഷം വിലയുള്ള ലാൻഡ് റോവർ കാർ റോഡ് സൈഡിലെ മരത്തിൽ കെട്ടിയിട്ടിരിക്കുന്ന ചിത്രം വൈറലായിട്ടുണ്ട്.
പശുവിനെയും പോത്തിനെയും കെട്ടിയിടുന്ന പോലെ കാറിനെയും കെട്ടിയിട്ടു തുടങ്ങി. ഡെയ് ലി സ്റ്റാർ പത്രത്തിൻ്റെ റിപ്പോർട്ട് അനുസരിച്ച് സ്വന്തം കാർ മോഷണം പോകാതിരിക്കാൻ പല തരത്തിലുള്ള സുരക്ഷാമാഗ്ഗങ്ങളും ഉടമകൾ ചെയ്യുന്നു.
ലാൻഡ് റോവർ കാറുകളാണ് ഈയിടെ കൂടുതലായി മോഷ്ടിക്കപ്പെടുന്നത്. 2023-ൽ Loxus RX കാർ മോഷണം പോയി. കാറുകളുടെ സെക്യൂരിറ്റി സിസ്റ്റം കൂടുതൽ സുരക്ഷിതമാക്കാൻ കാർ നിർമ്മാണ കമ്പനികൾക്ക് സമ്മർദ്ദമുണ്ട്. കീയില്ലാതെ തുറക്കുന്ന കാറുകളായതു കൊണ്ടാണ് മോഷ്ടാക്കൾക്ക് സംഗതി എളുപ്പമാകുന്നതെന്നും ഉടമകൾക്ക് അഭിപ്രായമുണ്ട്. Range Rover Sport, Range Rover Evoque, Land Rover Discovery Spot എന്നീ കാറുകൾ കഴിഞ്ഞ വർഷം മോഷണം പോയിരുന്നു. അന്വേഷണം കൂടുതൽ ഊർജ്ജിതമാക്കുമെന്ന് പോലീസ് ഉറപ്പു നൽകുന്നു.