കേരള സ്റ്റേറ്റ് ലീഗല് സര്വീസസ് അതോറിറ്റിയുടെ നിര്ദ്ദേശാനുസരണം ജില്ലാ നിയമ സേവന അതോറിറ്റി ജില്ലയിലെ എല്ലാ കോടതി കേന്ദ്രങ്ങളിലുമായി ഗാന്ധി ജയന്തി ദിനത്തോടനുബന്ധിച്ചു ഒക്ടോബര് രണ്ടിന് മെഗാ ലോക് അദാലത്ത് നടത്തുന്നു. നിലവില് കോടതികളുടെ പരിഗണയിലിരിക്കുന്നതും ഒത്തുതീര്പ്പാക്കാവുന്നതുമായ കേസുകള്, വാഹനാപകട നഷ്ടപരിഹാര കേസുകള്, വിവാഹ സംബന്ധമായ കേസുകള്, ബാങ്കുകള് സമര്പ്പിച്ച വായ്പ കുടിശ്ശിക സംബന്ധിച്ച കേസുകള്, കെ എസ് ഇ ബി, വാട്ടര് അതോറിറ്റി, ബി എസ് എന് എല്, സ്വകാര്യ മൊബൈല് കമ്പനികള്, തൊഴില് വകുപ്പ് എന്നിവര് സമര്പ്പിച്ച കേസുകള്, രജിസ്ട്രേഷന് വകുപ്പ് സമര്പ്പിച്ച അണ്ടര് വാല്യൂവേഷന് സംബന്ധിച്ച കേസുകള്, ഏതെങ്കിലും കോടതിയുടെ പരിധിയില് വരാവുന്നതും നിയമപ്രകാരം ഒത്തുതീര്പ്പാക്കാവുന്നതുമായ തര്ക്കങ്ങള് എന്നിവയും ലോക്അദാലത്തില് പരിഗണിക്കും. പരാതികള് ജില്ലാ നിയമ സേവന അതോറിറ്റിയിലും താലൂക്ക് നിയമ സേവന കമ്മിറ്റിയിലും നേരിട്ടോ തപാല് മുഖേനയോ സ്വീകരിക്കും. എല്ലാ കക്ഷികളും ഈ അവസരം പരമാവധി പ്രയോജനപ്പെടുത്തണമെന്ന് ജില്ലാ നിയമ സേവന അതോറിറ്റി സെക്രട്ടറിയും സീനിയര് സിവില് ജഡ്ജുമായ പ്രമോദ് മുരളി, പ്രിന്സിപ്പല് ഡിസ്ട്രിക്ട് ആന്ഡ് സെഷന്സ് ജഡ്ജും ജില്ലാ നിയമസേവന അതോറിറ്റി ചെയര്മാനുമായ കെ കെ ബാലകൃഷ്ണന് എന്നിവര് അറിയിച്ചു.