കോട്ടയം നഗരസഭയിലെ ഫയലുകളും റജിസ്റ്ററുകളും റെസ്റ്റ് ഹൗസ് കെട്ടിടത്തിൽ ഉപേക്ഷിച്ച നിലയിൽ കണ്ടെത്തിയ സംഭവ ത്തിൽ തദ്ദേശ സ്വയംഭരണ വകു പ്പ് ജോയിന്റ് ഡയറക്ടർ ബിനു ജോൺ അന്വേഷണത്തിനു നിർദേശം നൽകി. ജോയിന്റ് ഡയറ ക്ടർ ഓഫിസിലെ ഉദ്യോഗസ്ഥർ സംഭവത്തെക്കുറിച്ച് അന്വേഷണം നടത്തും.ഉപയോഗമില്ലാത്ത പഴയ ഫയലുകളാണ് കച്ചേരിക്കടവ് പഴയ ബോട്ടുജെട്ടിക്കു സമീപത്തെ നഗരസഭാ റെസ്റ്റ് ഹൗസിൽ എത്തി ച്ചതെന്നാണ് നഗരസഭാ അധികൃതർ നൽകുന്ന വിശദീകരണം. തദ്ദേശ സ്ഥാപനങ്ങളിലെ ഫയലുകൾ നശിപ്പിക്കുന്നതിനു മുൻപു വരെ റെക്കോർഡ് റൂമിൽ സൂക്ഷിക്കണമെന്നാണു നിയമം.