കണ്ണൂർ ജില്ലാ പഞ്ചായത്ത് മുൻ പ്രസിഡന്റ് പി.പി. ദിവ്യയുടെ ഭർത്താവ് വി.പി. അജിത്കുമാർ പരിയാരം ഗവ. മെഡിക്കൽ കോളേജിലെ ജോലി ഉപേക്ഷിക്കുന്നു. 12 വർഷമായി ഇവിടെ ജോലി ചെയ്യുന്ന അജിത് രാജിക്കത്ത് നൽകി, ഈ മാസം 30-ന് ജോലിയിൽ നിന്ന് ഒഴിവാകൂ എന്നാണ് മെഡിക്കൽ കോളേജ് അധികൃതരെ അറിയിച്ചത്. എ.ഡി.എം. നവീൻ ബാബുവിന്റെ മരണത്തെത്തുടർന്ന് ആത്മഹത്യാ പ്രേരണക്കുറ്റത്തിൽ പ്രതിചേർക്കപ്പെട്ടതോടെ ദിവ്യ ജില്ലാ പഞ്ചായത്ത് പ്രസിഡന്റ് സ്ഥാനം രാജിവച്ചിരുന്നു. വിദേശത്ത് ജോലി ശരിയായതുകൊണ്ടാണ് അജിത്തിന്റെ രാജിയെന്നാണ് വിവരം.