പ്രധാനമന്ത്രി നരേന്ദ്രമോദി ജൂലൈ 23 മുതൽ 26വരെ യുകെയും മാല ദ്വീപും സന്ദർശിക്കുമെന്ന് വിദേശകാര്യ മന്ത്രാലയം.യുകെ പ്രധാനമന്ത്രി കെയർ സ്റ്റാമറുടെ ക്ഷണപ്രകാരമാണ് മോദിയുടെ യുകെ സന്ദർശനമെന്നും പ്രസിഡന്റ് മുഹമ്മദ് മുയിസുവിന്റെ ക്ഷണപ്രകാരമാണ് മാല ദ്വീപ് സന്ദർശനമെന്നും വിദേശകാര്യ മന്ത്രാലയം പ്രസ്താവനയിൽ വ്യക്തമാക്കി. ഇന്ത്യ- യുകെ ഉഭയകക്ഷി വ്യാപാര ചർച്ചകളിൽ ഇരുപ്രധാനമന്ത്രിമാരും നിർണായ ചർച്ചകൾ നടത്തുമെന്ന് വിദേശകാര്യ മന്ത്രാലയം അറിയിച്ചു. സന്ദർശനവേളയിൽ ചാൾസ് മൂന്നാമൻ രാജാവിനെയും മോദി സന്ദർശിക്കും.