പിപി ദിവ്യ പുതിയ അന്വേഷണ സംഘത്തിന് മുന്നില്‍ ഇന്ന് കീഴടങ്ങാന്‍ സാദ്ധ്യതയുണ്ടെന്ന് സൂചന.ആത്മഹത്യാ പ്രേരണക്കേസില്‍ മുന്‍കൂര്‍ ജാമ്യം ലഭിക്കാനുള്ള സാദ്ധ്യത കുറവാണെന്ന് ദിവ്യയ്ക്ക് നിയമോപദേശം കിട്ടിയ സാഹചര്യത്തിൽ അന്വേഷണ സംഘത്തോട് സഹകരിക്കുമെന്ന് സൂചന. സിപിഎമ്മും കീഴടങ്ങാന്‍ ദിവ്യയ്ക്ക് നിര്‍ദ്ദേശം നല്‍കിയെന്നാണ് റിപ്പോർട്ട്.
ദിവ്യയ്‌ക്കെതിരെ ഗൗരവത്തിലുള്ള പാര്‍ട്ടി നടപടിയും വരും. അന്വേഷണത്തിന് പ്രത്യേക അന്വേഷണ സംഘത്തെ രൂപീകരിച്ച്‌ ആഭ്യന്തര വകുപ്പ് കഴിഞ്ഞ ദിവസം ഉത്തരവിറക്കിയിരുന്നു. ഇപി ജയരാജനും പി ജയരാജനും എംവി ജയരാജനും ഈ കേസില്‍ ദിവ്യയ്ക്ക് എതിരാണ്. ദിവ്യയ്‌ക്കെതിരെ നടപടിയും അറസ്റ്റും ഉണ്ടാകണമെന്നതാണ് അവരുടെ ആവശ്യം. ഇത് കൂടി പരിഗണിച്ചാണ് കീഴടങ്ങാന്‍ സിപിഎം നിര്‍ദ്ദേശം നല്‍കിയത്.