സിപിഎം വെല്ലുവിളിക്കുകയാണെങ്കില്‍ അത് ഏറ്റെടുക്കാൻ തയാറാണെന്ന് പി.വി.അൻവർ എംഎല്‍എ.കഴിഞ്ഞ ദിവസം മലപ്പുറത്തു നടന്ന പൊതുയോഗം വിപ്ലവമായി മാറും.രാഷ്ട്രീയ പാര്‍ട്ടി രൂപീകരിക്കുന്നത് സംബന്ധിച്ച സര്‍വേ പുരോഗമിക്കുകയാണ്. തദ്ദേശ തെരഞ്ഞെടുപ്പില്‍ എന്ത് ചെയ്യണമെന്ന് തീരുമാനിക്കും. ജനപിന്തുണയുണ്ടെങ്കില്‍ മാത്രം പാർട്ടി രൂപീകരിക്കുന്നതിനെ കുറിച്ച്‌ ചിന്തിക്കും.
സ്വര്‍ണക്കടത്തില്‍ പി.ശശിക്ക് ഷെയറുണ്ട്. ഒരു എസ്പി മാത്രം വിചാരിച്ചാല്‍ അത് നടക്കില്ല, അത് മനസിലാക്കാന്‍ കോമണ്‍സെന്‍സ് മതി. സ്വർണക്കടത്തിനെക്കുറിച്ച്‌ മുഖ്യമന്ത്രി തലയ്ക്ക് വെളിവില്ലാതെ സംസാരിക്കുന്നെന്നും അൻവർ പറഞ്ഞു.
താന്‍ പിന്നില്‍നിന്ന് നയിക്കാറില്ല. എന്ത് റിസ്‌കും മുന്നില്‍നിന്നാണ് നയിക്കുക. അതാണ് തന്‍റെ രാഷ്ട്രീയം. മുഖ്യമന്ത്രി തന്നെ കള്ളക്കടത്തുക്കാരനും മലപ്പുറം ജില്ലാ സെക്രട്ടറി വർഗീയവാദിയുമാക്കിയെന്നും അദ്ദേഹം പറഞ്ഞു.