മഴ തുടരുകയാണ്. ദേശീയപാതയിൽ വെള്ളക്കെട്ട്. ചെറിയ മഴയിൽ വെള്ളക്കെട്ട് രൂപപ്പെട്ടത് മൂലം നാട്ടുകാരും യാത്രക്കാരും വലഞ്ഞു.
അമ്പലപ്പുഴ ജംഗ്ഷന് തെക്ക് പായൽക്കുളങ്ങര ക്ഷേത്രത്തിന് മുന്നിലാണ് ജനങ്ങളെ വലച്ച് ഈ വെള്ളക്കെട്ട് രൂപപ്പെട്ടത്.
ഇവിടെ ദേശീയപാതാ നിർമാണം നടക്കുന്നതിനാൽ നേരത്തെ തന്നെ അതിരൂക്ഷമായ ഗതാഗതക്കുരുക്കാണുള്ളത്.
റോഡിലെ വെള്ളം സമീപത്തെ ഓടയിലേക്ക് ഒഴുകിപ്പോകാതെ വന്നതാണ് വെള്ളക്കെട്ട് രൂക്ഷമാകാൻ കാരണമായത്.
തുടർന്ന് ഇന്നലെ ഉച്ചയോടെ ജെസിബിയെത്തിച്ച് ഓടയിലേക്ക് വെള്ളം ഒഴുക്കിവിട്ടതോടെയാണ് ഇതിന് പരിഹാരമായത്.
മഴ ശക്തമായതോടെ റോഡ് കടലിന് സമാനമായി. ഇതോടെ ചെറുതും വലുതുമായ വാഹനങ്ങൾക്ക് സഞ്ചരിക്കാൻ കഴിയാതെ വന്നതോടെ ഗതാഗതക്കുരുക്കും രൂക്ഷമായി.
പി എസ് സി പരീക്ഷയെഴുതാൻ പോയ ഉദ്യോഗാർത്ഥികൾ ഉൾപ്പെടെ നൂറുകണക്കിന് യാത്രക്കാരാണ് ഇതിൽ വലഞ്ഞത്.
ദേശീയപാതയിൽ വെള്ളക്കെട്ട് ഉയരുമോ എന്ന ആശങ്കയിലാണ് ജനങ്ങൾ.