ഐപിഎല്‍ മത്സരത്തിനിടെ സൂര്യാഘാതം ഏറ്റു. കൊൽക്കത്ത- ഹൈദരാബാദ് മത്സരം കാണുന്നതിനിടെ ഷാരൂഖ് ഖാനാണ് സൂര്യാഘാതമേറ്റത്.
കൊല്‍ക്കത്ത ടീമിന്‍റെ സഹ ഉടമയാണ് ഇദ്ദേഹം. ഇതോടെ ആശുപത്രിയിൽ പ്രവേശിപ്പിച്ച ഷാരൂഖ് ഖാൻ ഇന്ന് ആശുപത്രി വിട്ടേക്കും.
മത്സര ശേഷം ഹോട്ടലിൽ മടങ്ങിയെത്തിയ ഷാരൂഖിന് നി‌ർജലീകരണവും തള‌ർച്ചയും അനുഭവപ്പെട്ടു.
പിന്നാലെ താരത്തെ അഹമ്മദാബാദിലെ സ്വകാര്യ ആശുപത്രിയിൽ പ്രവേശിപ്പിക്കുകയായിരുന്നു.
ഷാരൂഖിന്റെ ആരോഗ്യനില തൃപ്തികരമെന്നും ഇന്ന് തന്നെ ആശുപത്രി വിടാനാകുമെന്നും ജൂഹി ചൗള പ്രതികരിച്ചു.
അഹമ്മദാബാദ് അടക്കം ഗുജറാത്തിലെ വിവിധ നഗരങ്ങളിൽ ഉഷ്ണതരംഗം അനുഭവപ്പെടുന്നുണ്ട്. മത്സരം നടന്ന ദിവസം മൊട്ടേര സ്റ്റേഡിയത്തിൽ 45 ഡിഗ്രിയോളം ചൂട് അനുഭവപ്പെട്ടിരുന്നു.
മത്സരം കാണാനെത്തിയ അൻപതോളം പേർ നിർജലീകരണം അനുഭവപ്പെട്ടതിനെ തുടർന്ന് ചികിത്സ തേടിയിരുന്നു. എന്തായാലും വേറെ കുഴപ്പങ്ങളൊന്നും ഇല്ലെന്നാണ് അറിയുന്നത്.